«Ապրելու երկիր» կուսակցության նախագահ Մանե Թանդիլյանի ֆեյսբուքյան գրառումը
Իշխանություններն Արցախից հրաժարվելը, թշնամու ագրեսիան, պետության տարածքային կորուստները այնքան ծանր չեն տանում, որքան «Ապրելու երկիր» կուսակցությանը Ալավերդիում կրած պարտությունը։
Ընտրություններից անմիջապես հետո մինչև այս պահը իշխանությունները՝ իրենց բոլոր ռեսուրսները (վարչական, ուժային, ֆինանսական, կրիմինալ) կենտրոնացրել են Ալավերդիում՝ ահաբեկելու մեր թիմակիցներին՝ նպատակ ունենալով խաթարել համայնքի ղեկավարի ընտրությունները, որի մասով ունենք հստակ համաձայնություն ՀԱԿ-ի հետ։
Իշխանությունների ստոր ու ճղճիմ գործելաոճը նորություն չէ։
Մենք, իհարկե, պատրաստ էինք գործընթացների նման զարգացման, և ժողովրդի վստահությունը ստորությամբ խլել չի հաջողվելու։
Տիկին, ժամանակին Դուք ՔՊ-ակաների հարազատն էիք և Ձեզ նախարար նշանակեցին, էդ ոնց միանգամից լուրջ ընդդիմադիր դարձաք, որ իշխանությունն էլ ձեր կուսակցությանը ճնշում է։ Իսկ եթե իրոք ընդդիմադիր եք, ապա հանդես եկեք ոչ միայն ՏԻՄ ընտրության հարցերով, այլև այս իշխանության բոլոր կոպիտ սխալների և երկիրը կործանման տանելու մասին։ Այլապես դուք այնպիսի կեղծ ընդդիմադիր կուսակցություն եք, ինչպիսին ժամանակին եղել է “Լուսավոր Հայաստան” կուսակցությունը, որի նախագահ և Ձեր ընկեր Էդմոն Մարուքյանը, որն իրեն համարում էր կլասիկ ընդդիմադիր, իրականում ՔՊ-ին մատուցած ծառայությունների համար այս անլուրջ իշխանությունից իր գիտելիքներից ու փորձից հեռու լուրջ պաշտոն ստացավ։ Հատուկ հանձնարարությունների գծով դեսպան դառնալուց հետո նա արագ մոռացավ, որ ինքը մոտ անցյալում կլասիկ ընդդիմադիր է եղել։
Երկու լարի վրա խաղալը լավ տեղ չի տանում, դրա արդյունքում մարդիկ շատ արագ զրոյացնում են իրենց ձեռք բերած վարկանիշը։