ՀՀ ՄԻՊ Քրիստինե Գրիգորյանը Հարավային Կովկասի եւ Վրաստանի ճգնաժամի հարցերով հատուկ ներկայացուցիչ Տոյվո Կլաարին խնդրել է տեսանյութեր տրամադրել իրեն, որոնք կարող են վկայել ադրբեջանցի գերիների խոշտանգումների կամ մարմիններն անարգելու մասին: Նման գրառում Տոյվո Կլարը կատարել էր Թվիթեր սոցիալական ցանցում:
Հիշեցնենք, հոկտեմբերի 2-ին, Telegram-ալիքներում տարածվել էր տեսանյութ՝ ադրբեջանցի զինծառայողների կողմից անզեն հայ գերիների գնդակահարման կադրերով։
«Եթե ապացուցվի, որ տեսանյութն իսկական է, ապա սա ռազմական հանցագործություն է, որը պետք է հետաքննվի, իսկ մեղավորները՝ պատժվեն»,- գրել էր Տոյվո Կլարը: Ավելի ուշ, նա երկրորդ գրառումը կատարեց՝ այն մասին, որ կան այլ տեսանյութեր էլ, որոնք կարող են վկայել ադրբեջանցի գերիների կամ զոհվածների մարմինների խոշտանգումների մասին:
«Կլաարը խոստացել է տրամադրել տեսանյութերը, բայց մինչեւ հիմա չի ուղարկել»,- այսօր կայացած մամուլի ասուլիսում, ի պատասխան լրագրողներից մեկի հարցի, ասաց ՀՀ ՄԻՊ-ը:
Կարդացեք նաև
Նելլի ԳՐԻԳՈՐՅԱՆ
