Թենիսի ATP Astana Open մրցաշարում, որի մրցանակային ֆոնդը $ 1,9 մլն. է, ռուսաստանաբնակ հայ թենիսիստ Կարեն Խաչանովը երկրորդ շրջանում երեք սեթում 2:6, 6:3, 6:3 հաշվով պայքարից դուրս է թողել խորվաթ անվանի թենիսիստ Մարին Չիլիչին: Դիմակայությունը տեւել է 2 ժամ 26 րոպե:
Քառորդ եզրափակչում Խաչանովի մրցակիցը «Մեծ Սաղավարտի» մրցաշարերի 21-ակի հաղթող, սերբ Նովակ Ջոկովիչն է, որն իր հերթին 1/8 եզրափակչում հաղթել է հոլանդացի Բոտիկ վան դե Զանդսյուլպին:
Աշոտ ՀԱԿՈԲՅԱՆ
