Արդարադատության նախարարի պարտականությունները կատարող Գրիգոր Մինասյանի հրամանով Լիանա Թովմասյանը նշանակվել է արդարադատության նախարարի խորհրդական:
Լիանա Թովմասյանը 2022 թվականից զբաղեցնում էր նախարարության Կառուցվածքային ստորաբաժանումներում առանձին գործառույթներ համակարգող ԱՆ խորհրդականի պաշտոնը:
2013-2017 թվականներին սովորել և գերազանցությամբ ավարտել է Հայաստանում ֆրանսիական համալսարանի իրավագիտության ֆակուլտետի բակալավրիատը:
2017-2019 թվականներին սովորել և ավարտել է Հայաստանում ֆրանսիական համալսարանի իրավագիտության ֆակուլտետը, ստացել մագիստրոսի որակավորում:
Կարդացեք նաև
Ծննդյան տարեթիվ, ամսաթիվ, ծննդավայր
Տասնութը նոյեմբերի, 1994 թվական:
Աշխատանքային գործունեություն
2017-2019 թվականներին աշխատել է ՀՀ արդարադատության նախարարությունում՝ որպես Հակակոռուպցիոն և քրեակատարողական քաղաքականության մշակման վարչության փորձագետ, այնուհետև նույն վարչության Հակակոռուպցիոն քաղաքականության մշակման բաժնում զբաղեցրել է առաջին կարգի մասնագետի պաշտոնը:
2017 թվականին եղել է Հանրապետական գործադիր մարմիններում հակակոռուպցիոն ոլորտի պատասխանատուների վերապատրաստող («Իրավական կրթության և վերականգնողական ծրագրերի իրականացման կենտրոն» ՊՈԱԿ):
2019-2022 թվականներին աշխատել է ՀՀ պետական եկամուտների կոմիտեի իրավաբանական վարչության Հայցային աշխատանքների և դատական պաշտպանության բաժնում՝ զբաղեցնելով առաջատար, այնուհետև` գլխավոր մասնագետի պաշտոնները:
2021-2022 թվականներին եղել է ՏՀԶԿ «Հարկային տեսուչներ առանց սահմանների» ծրագրի աշխատանքային խմբի անդամ:
2022 թվականից աշխատել է ՀՀ արդարադատության նախարարությունում՝ զբաղեցնելով Կառուցվածքային ստորաբաժանումներում առանձին գործառույթներ համակարգող ԱՆ խորհրդականի պաշտոնը:
Կրթություն
2002-2013 թվականներին սովորել է Մ. Գալշոյանի անվան թիվ 148 միջնակարգ, այնուհետև՝ ավագ դպրոցում:
2013-2017 թվականներին սովորել և գերազանցությամբ ավարտել է Հայաստանում ֆրանսիական համալսարանի իրավագիտության ֆակուլտետի բակալավրիատը:
2017-2019 թվականներին սովորել և ավարտել է Հայաստանում ֆրանսիական համալսարանի իրավագիտության ֆակուլտետը, ստացել մագիստրոսի որակավորում:
Այլ տեղեկություններ
Տիրապետում է հայերեն, անգլերեն, ռուսերեն, ֆրանսերեն լեզուներին:
Ամուսնացած չէ:
ՀՀ ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅՈՒՆ
Լուսանկարը՝ Լիանա Թովմասյանի ֆեյսբուքյան էջից
