Եվրամիությունը «քաղաքացիական առաքելություն» կուղարկի Հայաստան՝ օգնելու Ադրբեջանի հետ սահմանազատման գործում: Այս մասին ասվում է Պրահայում Հայաստանի վարչապետ Նիկոլ Փաշինյանի, Ադրբեջանի նախագահ Իլհամ Ալիևի, Ֆրանսիայի նախագահ Էմանուել Մակրոնի և ԵՄ խորհրդի նախագահ Շառլ Միշելի հանդիպումից հետո ԵՄ տարածած հաղորդագրության մեջ:
Առաքելությունը կսկսվի հոկտեմբերին՝ առավելագույնը երկու ամիս ժամկետով: Առաքելության նպատակն է վստահություն ձևավորել և իր զեկույցների միջոցով աջակցել սահմանային հանձնաժողովներին:
Նշվում է, որ Հայաստանի կողմից եղել է պայմանավորվածություն՝ աջակցելու ԵՄ քաղաքացիական առաքելությանը։ Ադրբեջանն էլ համաձայնել է համագործակցել առաքելության հետ իր մասով:
«Հայաստանը և Ադրբեջանը հաստատել են իրենց հավատարմությունը Միավորված ազգերի կազմակերպության կանոնադրությանը և Ալմաթիի 1991թ. հռչակագրին, որոնց միջոցով երկուսն էլ ճանաչում են միմյանց տարածքային ամբողջականությունն ու ինքնիշխանությունը։ Նրանք հաստատել են, որ դա հիմք կհանդիսանա սահմանների սահմանազատման հանձնաժողովների աշխատանքի համար, և որ սահմանային հանձնաժողովների հաջորդ հանդիպումը կկայանա Բրյուսելում մինչև հոկտեմբերի վերջ, ասվում է հաղորդագրության մեջ»,- ասվում է հաղորդագրության մեջ։
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
