«Ազատություն». Հայաստանն ու Ադրբեջանը Բլինքեն-Միրզոյան-Բայրամով երեկվա հեռախոսազրույցի մասին միմյանցից տարբերվող հաղորդագրություններ են տարածել։ Երևանը հայտարարում է, թե արտգործնախարարները մտքեր են փոխանակել Ստեփանակերտի և Բաքվի միջև քննարկումների մեխանիզմ ստեղծելու վերաբերյալ, Բաքվի պնդմամբ՝ ընդգծվել է «Ադրբեջանի Ղարաբաղի շրջանի հայ բնակիչների վերաինտեգրման ուղղությամբ աշխատանքները շարունակելու հարցը»։
Այսօր էլ Իլհամ Ալիևն է հայտարարել՝ Ղարաբաղն Ադրբեջան է, Ղարաբաղի հայերը Ադրբեջանի քաղաքացիներ։ Ու իրենք չեն պատրաստվում որևէ միջազգային խաղացողի հետ քննարկել, թե ինչպես են կազմակերպելու նրանց կյանքը իրենց տարածքում։
Մինչ հայաստանցի պաշտոնյաներից հնարավոր չէ ստանալ տեղեկություն՝ Երևանն, օրինակ, Ստեփանակերտի ու Բաքվի միջև քննարկումների ի՞նչ մեխանիզմ է առաջարկել, Արցախից ամիսներ շարունակ փաստացի չգործող ԵԱՀԿ Մինսկի խմբի ձևաչափը վերականգնելու անհրաժեշտություն են տեսնում։
«Միջազգային ճանաչված ձևաչափ կա՝ ԵԱՀԿ Մինսկի խումբը և եռանախագահություն, որտեղ Արցախը ստացել է կարգավիճակ, ճանաչված է որպես բանակցությունների և հակամարտության կողմ, դա միջազգայնորեն ճանաչված է: Մենք չենք ուզում հրաժարվել այդ ձևաչափից, եթե ձևաչափը կա, ինչի՞ պիտի հրաժարվենք այդ ձևաչափից: Մենք միշտ ասել ենք՝ պատրաստ ենք Ադրբեջանի հետ քննարկել ցանկացած հարց», – ասաց Արցախի արտգործնախարար Դավիթ Բաբայանը:
Կարդացեք նաև
Աստղիկ ԲԵԴԵՎՅԱՆ
Նյութն ամբողջությամբ՝ սկզբնաղբյուր կայքում:
