Բռնցքամարտի Հայաստանի ավագ տարիքի պատանիների տղաների հավաքականը Իտալիայում ավարտված Եվրոպայի առաջնությունում նվաճել է հինգ մեդալ եւ ընդհանուր հաշվարկով պայքարն ավարտել է առաջին տեղում:
Այս տարիքային խմբի Եվրոպայի չեմպիոնի կոչումը նվաճել են 46 կգ քաշային Վաղարշակ Քեյանը եւ 52 կգ քաշային Էրիկ Առստամյանը: Նրանց հետ միասին պատվո պատվանդանի չեմպիոնական աստիճան բարձրանալու հնարավորություն ուներ նաեւ 70 կգ քաշային Երանոս Օհանյանը, սակայն նա նախորդ մենամարտերից մեկում վնասվածք էր ստացել եւ առաջնության բժիշկը նրան թույլ չէր տվել մասնակցել վճռորոշ մենամարտին, ինչի արդյունքում մեր բռնցքամարտիկը բավարարվել է արծաթե մեդալով:
Հայաստանի հաշվարկում նաեւ երկու բրոնզե մեդալ կա, որոնք գրանցել են 50 կգ քաշային Դավիթ Սաֆարյանը եւ 60 կգ քաշային Ռաֆայել Ներսիսյանը:
ՀԲՖ-ն տեղեկացնում է, որ առաջնության ընթացքում արդեն ձեւավորված ավանդույթի համաձայն մեր հավաքականի կողքին է եղել Հայաստանի բռնցքամարտի ֆեդերացիայի նախագահ Հովհաննես Հովսեփյանը:
Կարդացեք նաև
Աշոտ ՀԱԿՈԲՅԱՆ
