«Ես չեմ հասկանում ինչ կապիտուլյացիայի մասին է խոսքը գնում եւ ինչու է Տեր-Պետրոսյանը այդ բառը գցում շրջանառության մեջ: Ինչո՞ւ ինքը 90-ականների սկզբին, երբ հաղթանակած նախագահ էր, կապիտուլյացիա չստորագրեց ու չբերեց անկախություն, Արցախը չճանաչեց: Այն ամենը, ինչ ինքը ասում է…ի՞նչ կապիտուլյացիա, մենք օֆիցիալ պատերազմի մե՞ջ ենք Ադրբեջանի հետ: Մենք խոսում ենք խաղաղության պայմանագրի մասին: Խաղաղության պայմանագրի մեջ 29 հազար 800 քկմ-ն ՀՀ-ի անքննելի է»,- այսօր ԱԺ-ում լրագրողների հետ զրույցում ասաց ԱԺ նախագահ Ալեն Սիմոնյանը:
Նա վստահեցրեց, որ որեւէ փաստաթուղթ չկա ու ինչ Տեր-Պետրոսյանն ասում է՝ դա իր ենթադրություններն են. «Եթե Լեւոն Տեր-Պետրոսյանը ինչ-որ փաստաթղթի մասին գիտի, ասեք, մենք էլ իմանանք: Ամբողջը շահարկումներ են: Թուղթ չկա: Ասեմ ավելին՝ մենք շատ կուզենանք, որ ինչ-որ թուղթ լինի, որ մենք սկսենք աշխատել դրա վրա»:
ԱԺ նախագահը վստահեցրեց, որ հրապարակված առաջարկներից զատ որեւէ նոր առաջարկ ու փաստաթուղթ, որի շուրջ բանակցում են, չկա:
Կարդացեք նաև
Հռիփսիմե ՋԵԲԵՋՅԱՆ
