«Առավոտի» տեղեկություններով՝ տարիքը լրանալու, թոշակի անցնելու պատճառով իր լիազորությունները դադարեցրած Երեւան քաղաքի ընդհանուր իրավասության դատարանի դատավոր Արթուր Միկայի Մկրտչյանը ստիպված է կրկին դատարան գնալ, այս անգամ՝ անձնական խնդրով`չվճարված աշխատավարձ եւ տուժանք բռնագանձելու պահանջների մասին հայցով:
Պատասխանողները երկուսն են՝ Բարձրագույն դատական խորհրդի աշխատակազմն ու Դատական դեպարտամենտի Երեւան քաղաքի ընդհանուր իրավասության առաջին ատյանի դատարանի աշխատակազմը:
Բանն այն է, որ նրա լիազորությունները դադարեցվել են այս տարվա հուլիսի 11-ին, սակայն նա չի ստացել աշխատավարձը: Գործը սեպտեմբերի 27-ից դատավոր Տաթեւիկ Ստեփանյանի մոտ է:
Ռուզան ՄԻՆԱՍՅԱՆ
