Civilnet. «Քաղաքացիական պայմանագիր» խմբակցության պատգամավոր, պաշտպանության նախարարի նախկին տեղակալ Գագիկ Մելքոնյանը սեպտեմբերի 28-ին «Ազատության» հետ զրույցում պնդել է, որ Ռուսաստանը 44-օրյա պատերազմից ի վեր Հայաստանին զենք չի մատակարարել։
Ինչ է մատակարարվել
Չնայած Մելքոնյանի հայտարարությանը, որ 2020-ի նոյեմբերից հետո Ռուսաստանը Հայաստանին զենք չի մատակարարել, 2022-ի հունվարին պաշտպանության նախարարությունը հայտնել էր, որ զինված ուժերը համալրվել է ժամանակակից, բազմաֆունկցիոնալ նոր ուղղաթիռներով, որոնք նախատեսված են դեսանտային, կրակային, տրանսպորտային և սանիտարական խնդիրներ կատարելու համար։
Դրանք ռուսական արտադրության Ми-8МТВ-5 ուղղաթիռներ են, որոնք Ми-8 ուղղաթիռների ռազմական գործածության համար արդիականացված տարբերակներից են։ Ըստ Ստոկհոլմի խաղաղության հետազոտության միջազգային ինստիտուտի (SIPRI)-ի տվյալների՝ Հայաստանը Ռուսաստանից ձեռք է բերել այդպիսի չորս ուղղաթիռ։ Միաժամանակ, դրանց վաճառքի տարի է նշվում 2020-ը, չնայած փաստացի առաքվել են 2022-ի սկզբին։
Կարդացեք նաև
Այպիսով, չնայած Մելքոնյանի պնդմանը, թե 44-օրյա պատերազմից հետո ՌԴ-ն ՀՀ-ին զենք չի տվել, Ռուսաստանից այս տարեսկզբին ուղղաթիռներ են մատակարարվել Հայաստան։ Սակայն այլ մատակարարումների մասով բաց աղբյուրներում որևէ տեղեկություն չկա։
Հովհաննես ՆԱԶԱՐԵԹՅԱՆ
Լուսանկարը ՊՆ-ի. Հայաստանի ձեռք բերած Մի–8 ուղղաթիռներից մեկը «Էրեբունի» օդանավակայանում:
Նյութն ամբողջությամբ՝ սկզբնաղբյուր կայքում:
