Սեպտեմբերի 13-14-ին Ադրբեջանի սանձազերծած ռազմական գործողություններից եւ դրան հաջորդած Թուրքիայի իշխանությունների՝ Բաքվին սատարող հայտարարություններից հետո հատկանշական էր Հունաստանի արտաքին գործերի նախարար Նիկոս Դենդիասի այցը Հայաստան: Կարեւոր էին նաեւ Հունաստանի ԱԳ նախարարի՝ Երեւանից հնչեցրած հայտարարությունները:
Գաղտնիք չէ, որ ներկայում աննախադեպ սրված են Հունաստանի եւ Թուրքիայի հարաբերությունները:
Այս ամենի համայնապատկերին Նիկոս Դենդիասը Երեւանում հայտարարեց, որ ցանկանում է հստակ հաղորդագրություն ուղարկել այն երկրներին, որոնք ցանկանում են քարտեզներ վերանայել: «Քարտեզների վերանայման քաղաքականությունները կձախողվեն»,- հայտարարեց հույն բարձրաստիճան պաշտոնյան:
Սահմանների եւ աշխարհաքաղաքական որեւէ փոփոխության դեմ է մշտապես արտահայտվում Իրանի Իսլամական Հանրապետությունը:
Կարդացեք նաև
Վերոնշյալ զարգացումները խոսում են թյուրքական պետությունների ծավալապաշտական նկրտումների մասին, որոնք, բնականաբար, հանդիպում են եւ կհանդիպեն տարածաշրջանի պետությունների բնական հակազդեցությանը: Այսօր միջազգային իրավունքի հիմնարար նորմերից մեկը պետությունների տարածքային ամբողջականությունն է, այն չպահպանելու դեպքում աշխարհում ապոկալիպսիսն անխուսափելի է:
Արմեն ՎԱՐԴԱՆՅԱՆ
Հոդվածն ամբողջությամբ՝ «Հայաստանի Հանրապետություն» օրաթերթի այսօրվա համարում:
