Այսօր՝ սեպտեմբերի 26-ին, Բարձրագույն դատական խորհուրդը հրապարակեց Երևան քաղաքի առաջին ատյանի ընդհանուր իրավասության դատարանի դատավոր Աննա Փիլոսյանին կարգապահական պատասխանատվության ենթարկելու հարցի վերաբերյալ որոշումը:
Խորհուրդը որոշեց Արդարադատության նախարարի ներկայացրած միջնորդությունը մերժել:
Որոշումն ուժի մեջ է մտնում հրապարակման պահից և վերջնական է:
Կարդացեք նաև
Ավելի վաղ դատավոր Աննա Փիլոսյանը ֆեյսբուքյան էր էջում գրել էր. «Ինձ կարգապահական պատասխանատվության կանչելու առիթն օգտագործելով՝ բարձրաձայնում եմ ողջ դատական կորպուսին վերաբերող համակարգային խնդիրների մասին։
Միայն 2021 թվի ընթացքում ինձ մակագրվել է շուրջ 5400 (!) գործ։ Տարվա ընթացքում ունեմ շուրջ 1900 աշխատաժամ։ Այս պայմաններում անգամ տեսականորեն հնարավո՞ր է ուշացումները բացառել ու վրիպումներ թույլ չտալ։
Իսկ արդարադատություն հայցող քաղաքացիներն ու փաստաբաններն արդարացիորեն դժգոհում են։ Ու դժգոհում են դատավորներից»։
«Առավոտ»–ի կողմից նշենք, որ դատավոր Աննա Փիլոսյանը իրավապաշտպան Ռուբեն Մելիքյանի կինն է
