«Չհասկացանք, թե դա ինչ ցուցակ էր։ Եթե խոսելու են կլանային, կոռումպացված դատավորների մասին, ու դա լինի զուտ խոսակցություն՝ առանց կոնկրետ փաստի, գնահատականի եւ հետեւանքի, ապա վատ եմ վերաբերվում։ Դա միայն բերում է նրան, որ հանրության առաջ հեղինակազրկում են դատական համակարգը, երբ նախարարը նման բաներ է խոսում եւ փաստ չի ներկայացնում։ Դուք իմացա՞ք այդ ինչ ցուցակ էր։ Եղավ հայտարարություն, բայց եթե անուն, տեղեկություն, հետեւանք կար, ուրեմն ինչո՞ւ գնահատական չտրվեց»,-լրագրողների հետ ճեպազրույցում այսօր անդրադառնալով այն հանգամանքին, որ մոտ մեկ տարի առաջ ՀՀ արդարադատության նախարար Կարեն Անդրեասյանը խոսում էր մոտ 40 կոռումպացված դատավորների ցուցակի մասին՝ ասաց Երեւանի ընդհանուր իրավասության դատարանի դատավոր Արման Հովհաննիսյանը։
Անդրադառնալով հարցին, թե դատաիրավական ոլորտի համար դեռեւս չլուծված ի՞նչ խնդիրներ կան, նա նշեց․ «Իրական խնդիրներից է պետք խոսել։ Եթե լսենք, թե խնդիրներով զբաղվող մարդիկ ինչերից են խոսում, ապա կլսենք դատավորներին պատժելու եւ կարգապահական վարույթներ հարուցելու, վեթինգի ենթարկելու մասին։ Իրական մեծ խնդիրներ կան համակարգի առաջ՝ դատավորների ծանրաբեռնվածություն, սոցիալական վիճակի բարելավում, օրենսդրական հարցեր։ Խնդիրները շատ են, վեթինգ»։
Լուիզա ՍՈՒՔԻԱՍՅԱՆ
