«Ոստիկանության՝ «Եռաբլուրում» ուժի կիրառման կադրերը ինքս էլ տեսել եմ, դրան լավ չեմ վերաբերվում»,-այս մասին այսօր լրագրողների հետ ճեպազրույցում ասաց նորանշանակ փոխքաղաքապետ Տիգրան Ավինյանը՝ պատասխանելով հարցին՝ ինչպե՞ս եք վերաբերվում սեպտեմբերի 21-ին «Եռաբլուր» պանթեոնում զոհված զինծառայողների ծնողների նկատմամբ ոստիկանների վարքագծին։
Ավինյանն ասաց՝ գիտեմ, որ ծառայողական քննություն է իրականացվում ոստիկանությունում. «Հուսով եմ, որ այն անձինք, որոնք մեղավոր են, կպատժվեն»
Հարցին՝ արդյոք ոստիկաններն առանց հրահանգի՞ են գործել, նա պատասխանեց. «Չեմ կարող մեկնաբանել՝ ով ինչ հրահանգով է գործել, բայց գիտեմ, որ կա ծառայողական քննություն եւ ես կսպասեմ դրա ավարտին»:
Դիտարկմանը՝ 35 ՀԿ-ներ պահանջում են ոստիկանապետի հրաժարականը, Ավինյանն ասաց՝ տարբեր պահանջներ կարող են տարբեր փոքր խմբեր ունենալ․ «Ես կարծում եմ, որ տեղի ունեցածը շատ բացասական երեւույթ է, դատապարտելի է եւ կա քննություն, որը պետք է պարզի: Ամեն մի զանցանքին կամ հանցանքին համապատասխան պատիժ է հասնում»:
Կարդացեք նաև
Նելլի ԲԱԲԱՅԱՆ
