Երեւանի ավագանու այսօրվա նիստում Տիգրան Ավինյանը նշանակվեց Երեւանի փոխքաղաքապետ։ Այս հարցի քննարկման ժամանակ ավագանու անդամ Սերգեյ Գյոզալյանն Ավինյանից հետաքրքրեց, թե ինչպես է նա վերաբերվում Երեւանի ավագանու ներկայիս կարգավիճակին, արդյոք ճիշտ չէ՞, որ ավագանին լինի ԱԺ-ի նման, պրոֆեսիոնալ ավագանիներով։
Ի պատասխան հարցի՝ Ավինյանն ասաց՝ ՏԻՄ օրենքն ու բարեփոխումները տեղի են ունեցել կոնկրետ մոդելի հիման վրա, որը գերմանական փորձով է ընտրված․ «Կան այլ մոդելներ։ Լոս Անջելեսի ավագանին պրոֆեսիոնալ մարմին է, վարձրատրվող, գործադիրի գործառույթով եւ ավելի փոքրաթիվ է։ Յուրաքանչյուր փոփոխություն անելիս՝ պետք է ընդհանուր պատկերը նայել։ Այժմ ավագանին հասարակական հիմունքներով է։ Ես սկզբունքորեն դեմ չեմ քննարկել այլ մոդել, բայց դա նշանակում է, որ մենք պետք է անցում կատարենք ոչ միայն Երեւանի համար, այլ ամբողջ երկրի մասշտաբով։ Կարող ենք պիլոտ անել, բայց երեւի լավ կլինի պիլոտը ավելի փոքր տեղում իրականացնենք, եթե հաջողի․․․ որովհետեւ խոշորացման ռեֆորմը նոր է ավարտվում, հիմա այս պրոցեսը չավարտած՝ դնենք ջարդենք ու նորից նոր պրոցես սկսենք, չգիտեմ ՝ ինչքան՞ով է տրամաբանական»։
Նա ասաց, որ ավագանու ինստիտուտի ուժեղացման համար ավելի դրական կլիներ, որ ավագանին լիներ պրոֆեսիոնալ, որն ունի կոնկրետ գործառույթներ։
Մանրամասն՝ տեսանյութում
Կարդացեք նաև
Նելլի ԲԱԲԱՅԱՆ
