Հինգշաբթի օրը Անվտանգության խորհրդի նիստի օրակարգում են Ուկրաինայում Ռուսաստանի ռազմական հանցագործությունները:
Հինգշաբթի օրը ՄԱԿ-ի Գլխավոր ասամբլեայում համաշխարհային առաջնորդների տարեկան հանդիպման ժամանակ Անվտանգության խորհուրդը նիստ է գումարել Ուկրաինայում ռուսական զորքերի կողմից իրականացված ռազմական հանցագործությունների վերաբերյալ։
Քննարկմանը նախորդել էր ՌԴ նախագահ Վլադիմիր Պուտինի՝ հարյուր հազարավոր ռուսաստանցիներին զորահավաքելու, օկուպացված ուկրաինական տարածքները բռնակցելու և միջուկային զենք կիրառելու սպառնալիքներ հնչեցնելու հայտարարությունները :
Կարդացեք նաև
ՄԱԿ-ի գլխավոր քարտուղար Անտոնիո Գուտերեշը և Միջազգային քրեական դատարանի (ՄՔԴ) դատախազ Քարիմ Խանը քննարկել են այս կառույցի 15 այլ անդամների հետ։
Հանդիպմանը Գուտերեշն ասել է, որ միջուկային հակամարտության մասին խոսակցությունները «բացարձակապես անընդունելի են», և մեկ պետության տարածքի ցանկացած բռնակցում մեկ այլ պետության կողմից ուժի սպառնալիքի կամ կիրառման միջոցով ՄԱԿ-ի կանոնադրության և միջազգային իրավունքի խախտում է։
Գուտերեշի և Խանի ելույթից հետո ելույթ կունենան խորհրդի 15 անդամները, որոնց կհաջորդեն Ուկրաինան, եվրոպական մի քանի երկրներ, Բելառուսը և ԵՄ արտաքին գերատեսչության ղեկավար Ջոսեփ Բորելը։
Ուկրաինայի արտաքին գործերի նախարար Դմիտրի Կուլեբան հինգշաբթի օրը հայտարարել է, որ ՄԱԿ-ի Անվտանգության խորհրդում «անվտանգ սոցիալական հեռավորություն կպահպանի» Ռուսաստանի արտգործնախարար Սերգեյ Լավրովից։
Չորեքշաբթի օրը, հանդիպումից առաջ, պետքարտուղար Բլինկենն ասել է, որ «նախագահ Պուտինի կոչը՝ մասնակիորեն մոբիլիզացնել ռուսաստանցիներին և ուղարկել նրանց ուկրաինական պատերազմին, արտացոլում է Կրեմլի դժվարությունները ռազմի դաշտում, պատերազմի ոչ պոպուլյար լինելը և ռուսաստանցիների՝ պատերազմին մասնակցելու ցանկության բացակայությունը»։
«Նախագահ Պուտինը ուժի դիրքերից չի գործում. ավելի շուտ, դա նրա առաքելության ձախողման ևս մեկ նախանշան է», – ասել է Բլինքենը իր հայտարարության մեջ:
Ուկրաինայի նախագահ Վոլոդիմեր Զելենսկին չորեքշաբթի ասել է, որ «Ուկրաինայի դեմ հանցագործություն է կատարվել, և մենք արդար պատիժ ենք պահանջում»։
Անցյալ ամիս Ուկրաինայի ռազմական հանցագործությունների գլխավոր դատախազը Reuters-ին ասել է, որ իր գրասենյակը հետաքննում է մոտ 26,000 ենթադրյալ ռազմական հանցագործությունները Ռուսաստանի ներխուժումից ի վեր և մեղադրանք է առաջադրել 135 մարդու:
Հիշեցնենք, որ ՄԱԿ-ի Անվտանգության խորհուրդը չի կարողացել որևէ բովանդակալից քայլ ձեռնարկել Ուկրաինայի դեմ, քանի որ Ռուսաստանը Խորհրդի մշտական անդամ է՝ վետոյի իրավունքով՝ ԱՄՆ-ի, Ֆրանսիայի, Մեծ Բրիտանիայի և Չինաստանի հետ միասին։ Հինգշաբթի օրը կայանալիք նիստը կլինի Ուկրաինայի հարցով Անվտանգության խորհրդի առնվազն 20-րդ նիստն այս տարի:
Նախագահ Ջո Բայդենը սեպտեմբերի 21-ին ՄԱԿ-ի Գլխավոր ասամբլեայում ելույթի ժամանակ ասել է, որ պաշտպանում է Անվտանգության խորհրդի կազմի ընդլայնման գաղափարը։
«Եկել է ժամանակը, որպեսզի ՄԱԿ-ը դառնա ավելի ընդգրկուն կազմակերպություն, որն ավելի արդյունավետ կարձագանքի այսօրվա աշխարհի կարիքներին: ԱՄՆ-ն աջակցում է ՄԱԿ-ի Անվտանգության խորհրդի անդամության ընդլայնմանը, ներառյալ մշտական անդամներին»,- ասել է Բայդենը։
Մեկ օր առաջ Ֆրանսիայի նախագահ Էմանուել Մակրոնը Գլխավոր ասամբլեայում հանդես եկավ նմանատիպ նախաձեռնությամբ, որը լրացվեց ՄԱԿ-ի Անվտանգության խորհրդի առանձին անդամների վետոյի իրավունքի սահմանափակմամբ։
«ՄԱԿ-ի կանոնադրությունը և դրա հիմքը, որոնք հիմնված են կարգուկանոնի վրա, հարձակման է ենթարկվում նրանց կողմից, ովքեր ցանկանում են ոչնչացնել այն կամ խեղաթյուրել այն քաղաքական շահի համար», – ասել է Բայդենը: «ՄԱԿ-ի կանոնադրությունը ոչ միայն ստորագրվել է աշխարհի ժողովրդավարական երկրների կողմից, այլ նաև արմատապես տարբեր պատմություններ և գաղափարախոսություններ ունեցող տասնյակ երկրների քաղաքացիների բանակցությունների արդյունքն է, որոնք միավորված են խաղաղության համար աշխատելու իրենց հանձնառությամբ»:
Նախագահը պաշտպանել է Անվտանգության խորհրդում մշտական և ոչ մշտական ներկայացուցիչների թվի ավելացման առաջարկը՝ նկատի ունենալով այն պետությունների մշտական անդամակցությունը, որոնց աջակցում է Միացյալ Նահանգները, ինչպես նաև Աֆրիկայի, Լատինական Ամերիկայի և Կարիբյան ավազանի երկրների։
Հոդվածը պատրաստվել է Reuters գործակալության նյութի հիման վրա:
