«Չեմ մեկնաբանում։ Այստեղ այսօր բոլորը եկել են հարգանքի տուրք մատուցել, ծաղիկներ խոնարհել, օրվա խորհրդի մեջ ենք։ Այսքանը»,-Եռաբլուրում լրագրողների հետ զրույցում ասաց առողջապահության նախարար Անահիտ Ավանեսյանը՝ անդրադառնալով Նիկոլ Փաշինյանի մուտքը փակել ցանկացող ծնողներին ուժի կիրառմամբ տարածքից հեռացնելու միջադեպերին։
Լրագրողները նաեւ հետաքրքրվեցին՝ ինչո՞ւ չեն հրապարակում սեպտեմբերի 13-ին Ադրբեջանի հարձակման հետեւանքով զոհվածների ցուցակները։ «Դա ՊՆ-ի գործառույթն է, հարցը պետք է իրենց ուղղել։ Վստահ եմ, որ առաջիկայում, իհարկե, կհրապարակվի»,-պատասխանեց Անահիտ Ավանեսյանը։
Ինչ վերաբերում է վիրավորներին, նախարարը հայտնեց, որ արդեն իսկ կան շատ դուրս գրվածներ․ «Բոլոր վիրավորների եւ քաղաքացիական անձանց առողջական վիճակի մեջ կա դրական դինամիկա։ Թիվը չեմ կարող ասել։ Քաղաքացիական անձանցից մեկի վիճակը կայուն ծանր է»։
Կարդացեք նաև
Լուիզա ՍՈՒՔԻԱՍՅԱՆ
