Տավուշի մարզի Դիլիջան քաղաքային հիմնանորոգվում է Մյասնիկյան 37/2–ից մինչև 117/4 ընկած ճանապարհահատվածը: Ծրագրի նախահաշվային արժեքը կազմել է շուրջ 722 մլն ՀՀ դրամ, որից միայն 685 մլն ՀՀ դրամը հատկացվելու է շինարարական աշխատանքների իրականացմանը: Այս մասին Aravot.am-ին հայնտնեցին Դիլիջանի համայնքապետարանից։
Համայնքի համար կարևոր նշանակություն ունեցող այս ճանապարհահատվածի հիմնանորոգումը հնարավոր է դարձել Դիլիջանի համայնքապետարանի և ՀՀ կառավարության համաֆինանսավորմամբ: Նախատեսվում է ոչ միայն ճանապարհի երթևեկելի գոտու ասֆալտապատում իրականացնել, այլև սողանքային հատվածներում վերակառուցել հենապատեր՝ հողի հոսքը կանգնեցնելու նպատակով։ Համայնքապետարանից հայտնեցին, որ ուշադրություն է դարձվել նաև ճանապարհի հետիոտնային անցման տեղերում թեքահարթակների կառուցմանը:
Լիա ՃԱՂԱՐՅԱՆ
