ԱԺ նախկին նախագահ, ՀՀԿ հիմնադիր անդամ Գալուստ Սահակյանը ներկա չի գտնվել նախորդ գիշեր ԱԺ-ի դիմացի ցույցին՝ Նիկոլ Փաշինյանի հեռացման պահանջով, սակայն հետեւել է նրանց գործողություններին։ Երեկ հետաքրքրվեցինք նրանից, թե ինչու այս անգամ էլ չհաջողվեց կրիտիկական զանգվածի պայմաններում հաջողության հասնել։
«Ճիշտն ասած՝ էդտեղ շատ խորը վերլուծական խնդիրներ կան, բայց որ միտինգ էր եւ բավականին ներառված միտինգ էր, կարծում եմ՝ նաեւ էդ մասին պիտի ասել։ Էնպես չի, որ բոլոր միտինգներն իրենց վերջնական արդյունքներն են ունենում»,- ասաց Գալուստ Գրիգորիչը։
– Հիմա ի՞նչն էր խնդիրը, որ չստացվեց, անկազմակե՞րպ էին, ընդդիմությո՞ւնը չկարողացավ ճիշտ գնահատել իրավիճակը, թե՞ չէր ցանկանում։
– Փաստորեն, որեւիցե խնդիր լուծելու համար ոչ պետականորեն ձեռքբերումների արդյունք պիտի լիներ։ Այսինքն՝ ի՞նչ պիտի անեին, պիտի խախտեի՞ն ամեն ինչ։
Կարդացեք նաև
– Դե, ուզում էին մտնել ԱԺ, պահանջում էին, որ ՔՊ–ական պատգամավորները գային եւ ստորագրեին իմպիչմենտի փաստաթղթի տակ։
– Դե, դա պիտի բավականին առողջ եւ կազմակերպված թիմ լինի։ Չես կարող ասել՝ էնտեղ ընդդիմությո՞ւնն էր, թե՞ մարդիկ, որոնք ոտքի էին կանգնել իրենց ապագայի համար։
– Այդ դեպքում, եթե չեն կարողանում, գիտեք, որ Նիկոլ Փաշինյանը դեռ որոշ ժամանակ մնալու է, ինչո՞ւ ժողովրդին ազնվորեն չեն ասում, որ Նիկոլը չի գնալու։
– Բայց ժողովրդին ինչպե՞ս ասեն՝ Նիկոլը գնալու է, թե չի գնալու։ Իմիջիայլոց, երբ խնդիրը գնում է, որ պայքարում եմ Նիկոլի դեմ, ես այդպես էլ չեմ կարծում, որովհետեւ էդ պայքարը Նիկոլի դեմ չի, էդ պայքարն էն մասսայի դեմ է, որը կարողացավ Նիկոլին որոշակի դիրքորոշումներ տալ, եւ Նիկոլը գնում է իրենց ճանապարհով։ Սա է խնդիրը։ Էնպես որ, մեր պայքարը ե՛ւ Նիկոլի դեմ է, ե՛ւ էն մարդկանց դեմ, որոնք ձգտեցին եւ կարողացան հասնել այդ արդյունքին։
Վահե ՄԱԿԱՐՅԱՆ
Հոդվածն ամբողջությամբ՝ «Հրապարակ» օրաթերթի այսօրվա համարում:
