Հայաստանի և Կանադայի ԱԳ նախարարները շեշտել են ՀՀ տարածքային ամբողջականության անվերապահ պահպանման անհրաժեշտությունը

Սեպտեմբերի 15-ին ՀՀ ԱԳ նախարար Արարատ Միրզոյանը հեռախոսազրույց է ունեցել Կանադայի ԱԳ նախարար Մելանի Ժոլիի հետ։

Նախարար Միրզոյանն իր գործընկերոջն է ներկայացրել Ադրբեջանի կողմից Հայաստանի Հանրապետության ինքնիշխան տարածքի նկատմամբ սանձազերծված ագրեսիայի հետևանքով ստեղծված իրավիճակը:

ՀՀ ԱԳ նախարարը խստորեն դատապարտել է ադրբեջանական զինված ուժերի կողմից միջազգային և հումանիտար իրավունքի կոպտագույն խախտումները, խաղաղ բնակչության և քաղաքացիական ենթակառուցվածքների դիտավորյալ թիրախավորման դեպքերը։

Երկուստեք շեշտվել է Հայաստանի Հանրապետության տարածքային ամբողջականության անվերապահ պահպանման և ուժի կիրառման անթույլատրելիության անհրաժեշտությունը։

Կարդացեք նաև

«Ցեղասպանությունից հրաժարվելու քաղաքականությունը բերելու է նրան, որ թուրքերը մեզանից պահանջելու են ներողություն խնդրել՝ տասնամյակներ շարունակ իրենց «զրպարտելու» համար»

• 12:30 04.11.2024

Հենց այսօր պետք է խոսեն հարյուրավոր ցեղասպանագետները, Ցեղասպանության զոհերի ժառանգները, ինստիտուտները, հիմնադրամները, բոլոր հայերը. Մարգարիտ Եսայան

• 12:15 02.11.2024

Ցեղասպանության ժխտումը հղի է նոր ողբերգություններով․ Տիգրան Աբրահամյան

• 11:50 02.11.2024

Հրադադարի ռեժիմի պահպանման, ադրբեջանական ագրեսիայի հետևանքների վերացման և նոր ագրեսիայի հավանականության բացառման համատեքստում նախարար Միրզոյանը ընդգծել է Ադրբեջանի նկատմամբ միջազգային հանրության հստակ, հասցեական ու համարժեք արձագանքի կարևորությունը և տարածաշրջանում խաղաղության ու կայունության վերականգնման նպատակով գործուն քայլերի իրականացման անհրաժեշտությունը։

ՀՀ ԱԳՆ