«Մենք խորապես մտահոգված ենք Հայաստանի եւ Ադրբեջանի սահմանին շարունակվող ռազմական գործողություններով՝ ներառյալ հրետանային հարվածները, որոնք ուղղված են եղել Հայաստանի խաղաղ բնակչության եւ քաղաքացիական ենթակառուցվածքների վրա: Սա ամենավատ բախումն է 2020 թ ծագած ռազմական բախումից հետո՝ կապված Լեռնային Ղարաբաղի հետ: Հաղորդագրությունները քաղաքացիական անձանց շրջանում զոհվերի վերաբերյալ անհանգստություն են առաջացնում»,-ՄԱԿ-ի անվտանգության խորհրդի նիստում ասաց Նորվեգիայի ներկայացուցիչը:
Նա անդրադարձավ հատկապես սահմանամերձ շրջաններում ապրող մարդկանց կյանքերին սպառող վտանգին: Նորվեգիայի ներկայացուցիչն ասաց, որ իրենց երկիրը ճանաչում է Հայաստանի եւ Ադրբեջանի տարածքային ամբողջականությունը, նրանց միջազգայնորեն ճանաչված սահմաններին: Մենք ողջունում ենք Ադրբեջանի եւ Հայաստանի միջեւ երկխոսության շարունակվելուն՝ նոյեմբերի 9-ի հայտարարության կետերին համապատասխան: Նորվեգիայի ներկայացուցիչը եւս կոչ արեց վերադառնալ դիվանագիտական ճանապարհով խնդրի լուծմանը:
Իռլանդիայի ներկայացուցիչը եւս մտահոգություն հայտնեց Հայաստանի տարածքում քաղաքացիական ենթակառուցվածքների վրա ուղղված հարվածների առիթով, ասաց, որ դա միջազգային մարդասիրական իրավունքի նորմերի խախտում է. «Բոլոր կողմերը պետք է վերադառնան այն դիրքեր, որ զբաղեցրել են մինչեւ բախումները: Բռնությունը խնդրի լուծման միջոց չէ, հակամարտության կարգավորմանը պետք է գնալ դիվանագիտության եւ երկխոսության ճանապարհով»,-ասաց Իռլանդիայի ներկայացուցիչը:
Բրազիլիայի ներկայացուցիչը խոսեց աշխարհում երկարաժամկետ խաղաղությունից, բռնության բացառումից: Նա ցավակցություն հայտնեց երկու կողմերին՝ զոհերի համար: Արաբական Միացյալ էմիրությունների ներկայացուցիչն ասաց, որ բավարարված են, որ երկու կողմերը դադարեցրել են կրակը: Ինչպես շատերը, նա եւս զսպվածության եւ դիվանագիտական ճանապարհով խնդրի լուծմանը հասնելու կոչ արեց:
Կարդացեք նաև
Գոհար ՀԱԿՈԲՅԱՆ
