Գաբոնի ներկայացուցիչը ՄԱԿ-ի անվտանգության խորհրդի նիստում անդրադառնալով հայ-ադրբեջանական հակամարտությանը եւ մասնավորապես վերջին դեպքերին, ասաց, որ ոչ մի ռազմական լուծում կենսունակ չէ, եւ բռնությունը ամրապնդում է կողմերի միջեւ փոխադարձ դժգոհությունները՝ տարածաշրջանում, ուստի բոլոր ուժերը, որոնք ազդեցություն ունեն հակամարտող կողմերի վրա, պետք է կոչ անեն խաղաղ լուծման գնալ: Նա ասաց, որ իր երկիրը ողջունում է ՄԱԿ-ի գլխավոր քարտուղարի առաջարկը՝ խնդիրը լուծել դիվանագիտական ճանապարհով: Նա երկու կողմերին զսպվածության կոչ արեց:
Հնդկաստանի ներկայացուցիչը ասաց, որ պետք է նախ պարզել, թե ինչու է սրվել լարվածությունը Հայաստանի եւ Ադրբեջանի սահմանին: Նա հիշեցրեց, որ 2020թ սեպտեմբերին նույնպես իրավիճակը սրվել էր, հարվածներ էին հասցվել նաեւ քաղաքացիական ենթակառուցվածքներին: Հնդկաստանի ներկայացուցիչը կոչ արեց զսպել ագրեսորին, որի գործողությունները վտանգ են ներկայացնում ոչ միայն տարածաշրջանի,այլեւ ողջ աշխարհի համար: «ՄԱԿ-ի անվտանգության խորհուրդը չի կարող իրեն թույլ տալ լռություն պահպանել եւ սպասել, որ իրավիճակն էլ ավելի լրջանա: Հիշեցնեմ, որ 2020թ նոյեմբերի 9-ին կրակի դադարեցումը ՌԴ-ի, ԵՄ-ի, ԵԱՀԿ Մինսկի խմբի ջանքերով արդյունավետ մեխանիզմ է…Այս խնդիրը չպետք է ռազմական եւ բռնության ոճի լուծումներ ունենա»,-ասաց նա:
Գոհար ՀԱԿՈԲՅԱՆ
