«Երբ բավարար հիմքեր լինեն իմփիչմենթի գործընթացի համար, այսինքն, քաղաքական մեծամասնությունից պատրաստակամ լինեն, կմիանան դրան, բնականաբար, ձեւաթղթով գալուց պարտադիր նշվելու է վարչապետի թեկնածուի անունը»,-խորհրդարանում լրագրողների հետ ճեպազրույցում այսօր անդրադառնալով Նիկոլ Փաշինյանին անվստահություն հայտնելու գործընթացին՝ հայտարարեց «Հայաստան» խմբակցության պատգամավոր Գեղամ Մանուկյանը։
«Այն փաստը, որ նա երեկ շտապ ուղիղ եթերում փորձեց սրբագրել իր հայտարարությունը, փաստում է, որ երեկ իշխանությունը սարսափել էր ժողովրդի ինքնաբուխ ներկայությունից»,-հավելեց Գեղամ Մանուկյանը։
Հիշեցնենք, որ երեկ վարչապետ Նիկոլ Փաշինյանն ԱԺ-ում հայտարարեց, որ ՀՀ շահերից բխող թուղթ է ստորագրելու, անգամ եթե իրեն դավաճան անվանեն, իսկ մեծաքանակ բողոքի ցույցից հետո ուղիղ եթերով հերքեց իր ասածները։
Կարդացեք նաև
Ինչպես հայտնի է, որ վարչապետին անվստահություն հայտնելու գործընթացի համար ՔՊ-ականներից 18 ձայներ են պետք ընդդիմությանը։ Գեղամ Մանուկյանը շեշտեց, որ իշխող խմբակցությանն իրենք հնչեցրել են հրապարակային կոչ․ «Այսօր էլ ԱԺ ամբիոնից փորձեցի հանրամատչելի կոչ հնչեցնել։ Ժամանակը սպառվում է։ Մարդկանց երեկվա ներկայությունը բացատրելի չէր, բորբոքվածությունը բացատրելի չէր․․․մենք պաշտոնապես ասում ենք, որ ձեւաթղթի վրա դրել ենք մեր ստորագրությունները։ Ակնկալում ենք, որ 18 պատգամավորներ միանան։ Քաղաքական պայմանավորվածություններ կարող են լինել, աշխատանքներ են տարվում։ Ձեւաթղթի վրա, կարծում եմ, կլինի նաեւ վարչապետի թեկնածուի անունը»։
Լուիզա ՍՈՒՔԻԱՍՅԱՆ
