Անդրեա Օրսինին /Forza Italia-ի պատգամավոր և Պատգամավորների պալատում արտաքին հարաբերությունների հանձնաժողովի անդամ/ հայտնել է «խոր մտահոգություն Հայաստանի և Ադրբեջանի միջև հակամարտության հնարավոր վերսկսման կապակցությամբ։ Ադրբեջանական բանակի կողմից իրականացված նոր հարձակումը կրկին բռնկել է արյունալի ու վտանգավոր հակամարտություն։
Ռազմական ուժի կիրառումը` որպես տարածքային վեճի լուծման միջոց անընդունելի է և հակասում է ՄԱԿ-ի կանոնադրությամբ ամրագրված ժողովուրդների համակեցության կանոններին»:
«Իտալիայի կառավարությունը,- ասել է Օրսինին,- պետք է միանա ամերիկյան դիվանագիտության և Եվրամիության ջանքերին, որպեսզի ռազմական գործողությունները երկու երկրների սահմանին և, մասնավորապես, Հայաստանում քաղաքացիական օբյեկտների ռմբակոծումը չշարունակվեն։ Վերջին ամիսների ընթացքում ձեռք բերված հրադադարը պետք է պահպանվի և ամրապնդվի՝ խաղաղության ավելի ընդլայնված համաձայնագրի հասնելու նպատակով»։
Շնորհակալություն ենք հայտնում պատգամավոր Օրսինիին իր դավանած բարձր արժեքների և մշտապես արդարության կողքին կանգնելու համար։
Կարդացեք նաև
Իտալիոյ Հայոց Միություն
