«Վիրավորում ստացած բոլոր զինվորները եւ քաղաքացիական անձինք ստանում են բուժօգնություն ԲԿ-ներում եւ զինվորական հոսպիտալներում։ Ձեւավորված է հստակ մեխանիզմ՝ շտապօգնության ծառայության, ԲԿ-ների աշխատանքի հստակ գծագրությամբ»,-խորհրդարանում լրագրողների հետ զրույցում այսօր ասաց առողջապահության նախարար Անահիտ Ավանեսյանը։
Նա նշեց, որ վիրավորների թիվ չի հրապարակի, դա ՊՆ-ի լիազորությունն է։ «Այսօր վեց վիրավոր քաղաքացիական անձ ունենք։ Մի քաղաքացու վիճակը բավականին ծանր է։ Բժիշկները պայքարում են կյանքը փրկելու համար»,-նշեց Անահիտ Ավանեսյանը։
Նա տեղեկացրեց, որ արյան պաշարների համալրման հարցը մշտապես արդի է․ «Համակարգը պատրաստվածության բարձր մակարդակի է։ Բժշկական նշանակության ապրանքների եւ դեղորայքի ապահովվածությունն այս պահին ամբողջությամբ իրականացվում է։ Գնահատում ենք քաղաքացիների նվիրումը եւ աջակցելու ցանկությունը, բայց որեւէ դեղորայք հավաքելու կարիք չկա։ Խնդրում եմ նման հավաքատեղիներ չստեղծել»։
Կարդացեք նաև
Լուիզա ՍՈՒՔԻԱՍՅԱՆ
