«Իսկ ես Փաշինյանին ի՞նչ հարց պետք է տայի, հարցնեի՝ ինչո՞ւ ես դավաճանել։ Թե հարցնեի, թե ինչու է ԱԺ ամբիոնից փոխանակ միջազգային հանրության հետ խոսի, փաստացի անէացնում եւ թշնամացնում է ՀՀ բոլոր դիվանագիտական կապերը՝ մի բան, որը անում էր չորս տարի»,-խորհրդարանում լրագրողների հետ ճեպազրույցում այսօր անդրադառնալով վարչապետ Նիկոլ Փաշինյանի այսօրվա ելույթին՝ ասաց «Պատիվ ունեմ» խմբակցության պատգամավոր Հայկ Մամիջանյանը։
Իշխանության ներկայացուցիչների պնդումներին ի պատասխան, թե ընդդիմությունն այս իրավիճակում պետք է միասնական գործեր, Հայկ Մամիջանյանը հարցադրում արեց․ «Իշխանության հետ միահամուռ դավաճանեի՞նք երկիրը»։ Փաշինյանի ելույթն ամբողջացնելու մասին հարցադրմանն ի պատասխան Հայկ Մամիջանյանը նշեց․ «Նիկոլ Փաշինյանի ելույթը թող Վահագն Ալեքսանյանն ամբողջացնի։ Ես մի բան կարող եմ ասել, որ քանի դեռ ինքն իշխանության է, ավելի վատ է լինելու՝ անդադար»։
Հայկ Մամիջանյանը նաեւ շեշտեց՝ սխալ էր ՔՊ-ի քաղաքականությունը, ըստ որի՝ հայ-ադրբեջանական հարաբերությունները զատվում էին Արցախի հարցից, հիմա էլ իրենց գործելաոճը փաստում է այն մասին, որ իշխանությունը ձեռքերը լվանում է նաեւ ՀՀ-ից։
Կարդացեք նաև
Լուիզա ՍՈՒՔԻԱՍՅԱՆ
