«Ապառաժ». ՀՅԴ Հունաստանի Հայ դատի հանձնախումբը հայտարարություն է տարածել Հայաստանի Հանրապետության դեմ Ադրբեջանի սանձազերծած պատերազմին. «Սեպտեմբերի 13-ի լուսադեմին ադրբեջանական զինուժի ստորաբաժանումները լայնածավալ ռազմական գրոհ են ձեռնարկել Հայաստանի Հանրապետության դեմ՝ ռմբակոծելով Սյունիքի, Վայոց Չորի և Գեղարքունիքի շրջանների գյուղերը։ Թիրախում են բնակավայրերն ու ռազմական օբյեկտները։ Ադրբեջանն օգտագործում է նաև ԱԹՍ (անօդաչու սարքեր):
Զոհերի թիվը կտրուկ աճում է. Բաքուն հերթական անգամ փորձում է օգտվել միջազգային լարված իրավիճակից և ներխուժել Հայաստանի գերիշխող տարածք՝ սուտ տեղեկություններ տարածելով՝ շեղելով հասարակական կարծիքը։ Փաստերը, սակայն, բացահայտում են Ադրբեջանի իրական մտադրությունները, որոնց գործողությունները միջազգային իրավունքի բացահայտ խախտում են և դատապարտելի։
Ադրբեջանի այսօրվա հարձակումները 2020 թվականին Արցախի դեմ պատերազմին միջազգային հանրության ոչ համարժեք արձագանքի արդյունք են։
Կոչ ենք անում միջազգային հանրությանը, ՄԱԿ-ին, ԵԱՀԿ-ին և բոլոր ժողովրդավարական պետություններին անհապաղ դատապարտել Ադրբեջանի հարձակումները և նպաստել խաղաղությանը»։
