Ադրբեջանի ԶՈՒ ստորաբաժանումները ինտենսիվ կրակ են բացել հայկական դիրքերի ուղղությամբ: ԱԺ-ում հայտարարության նախագիծ են պատրաստել: Փաշինյանը խորհրդարան էր եկել՝ ներկայացնելու իրավիճակը եւ պատասխանելու պատգամավորների հարցերին:
ՔՊ պատգամավոր Վիգեն Խաչատրյանն ասաց, թե Ադրբեջանը չհայտարարված պատերազմ է վարում ու ելնելով դրանից՝ հանրապետությունում պետք է բան փոխվի, մարդիկ պետք է իմանան, որ անկախությունն ու ինքնիշխանությունը ունի դիրք, որը բոլորը վճարում են:
Նա առաջարկեց փակ քննարկում անել. «Ընդհանրապես երբ որ մենք խոսում ենք խաղաղության պայմանագրի մասին, ես կարծում եմ, այստեղ պիտի բան փոխվի: Նույն նոյեմբերի 9-ի փաստաթուղթը միջազգային ուժ չունեցող փաստաթուղթ է, վավերացված չի այս խորհրդարանում եւ ես կարծում եմ, առայժմ այդ «խաղաղության պայմանագիր» խնդիրը պետք է մի կողմ թողնենք, խոսենք խաղաղ համակեցության մասին, հիմքում դնենք միջազգային նորմեր, օրենքներ, պայմանագրեր եւ պահանջենք, որ այդ ամենը միջազգային նորմերով լինի ու պաշտպանված լինի»:
Փաշինյանը պատասխանեց, որ նոյեմբերի 9-ի փաստաթուղթը գործող է ու ձեւավորել է անվտանգային ճարտարապետություն, բայց դա չի բացառում քննարկել հարցը մյուս հարթություններում:
Կարդացեք նաև
Հռիփսիմե ՋԵԲԵՋՅԱՆ
