«Մենք ակնկալում ենք, որ այս տարվա սեպտեմբերի 13-ին, Մոսկվայի ժամանակով ժամը 9.00-ից հրադադարի մասին ռուսական միջնորդության արդյունքում ձեռք բերված համաձայնությունը կիրականացվի ամբողջությամբ»,- ասված է ՌԴ ԱԳՆ-ի տարածած հաղորդագրության մեջ:
ՌԴ ԱԳՆ-ն տեղեկացրել է նաեւ, որ ստացել են Հայաստանի ղեկավարության դիմումը՝ ՀԱՊԿ-ի միջոցով իրավիճակի կարգավորմանն աջակցելու խնդրանքով։ Հաղորդագրության մեջ ասվում է, որ Հայաստանի եւ Ադրբեջանի միջեւ բոլոր վիճելի հարցերը պետք է լուծվեն բացառապես քաղաքական եւ դիվանագիտական ճանապարհով:
ՌԴ ԱԳՆ-ն նաեւ ընդգծել է, որ երկու երկրների միջեւ սահմանազատման եւ սահմանագծման գործընթացում սահմանների հետ կապված խնդիրները պետք է լուծվեն Ռուսաստանի Դաշնության խորհրդատվական աջակցությամբ՝ սահմանազատման երկկողմ հանձնաժողովի աշխատանքի շրջանակներում։
Հայկական կողմը պաշտոնապես չի հաստատել հրադադարի մասին լուրը, «Սիվիլնեթի» լրագրողները տեղեկացնում են, որ 12.50-ի դրությամբ Սոթքի ուղղությամբ հրետակոծությունները շարունակվում են: Ներքին Հանդի համայնքապետ Խաչատուր Բաղդասարյանն էլ տեղեկացրել է, որ ադրբեջանական կողմը գյուղի ուղղությամբ շարունակում է կիրառել հրետանի։
Կարդացեք նաև
Պատրաստեց՝ Նելլի ԳՐԻԳՈՐՅԱՆԸ
