«Կա հայտարարության տեքստ։ «Հայաստան» խմբակցությունն այժմ մշակում է իր առաջարկները։ Կամ ներկայացնելու ենք այլընտրանքային հայտարարության տեքստ, կամ արդեն իսկ ներկայացվածում առաջարկելու ենք փոփոխություններ։ Պետք է հստակ ամրագրվեն կետեր՝ ստեղծված իրավիճակը եւ վարվող քաղաքականությունը փոխելու վերաբերյալ»,-ԱԺ-ում լրագրողների հետ զրույցում քիչ առաջ հայտարարեց «Հայաստան» խմբակցության պատգամավոր, ՀՅԴ Հայաստանի Գերագույն մարմնի ներկայացուցիչ Իշխան Սաղաթելյանը։
Հիշեցնենք՝ ՀՀ սուվերեն տարածքի վրա Ադրբեջանի հարձակման հետ կապված ԱԺ նիստում այսօր խորհրդարանի նախագահ Ալեն Սիմոնյանը հայտարարեց, որ հայտարարության նախագիծ են պատրաստել, ընդդիմությունն էլ ասաց, որ իրենք նույնպես հայտարարության տեքստ են պատրաստում։
Նիկոլ Փաշինյանն այս պահին ԱԺ նիստում ներկայացնում է իրավիճակը։
Կարդացեք նաև
Իշխան Սաղաթելյանը նշեց, որ իշխանության պատրաստած տեքստն ամբողջական չէ, չի արտացոլում իրավիճակն ամբողջապես․ «Որոշ կետեր են պետք, որպեսզի ամբողջական լինի։ Նիստին չենք մասնակցելու։ Այս ամենի մեղավորն ու պատասխանատուն իշխանությունն է ու անձամբ Նիկոլ Փաշինյանը։ Չենք մասնակցելու հարցուպատասխանին, որովհետեւ դա հերթական կրկեսն է, որը մեզ որեւէ բան չի տալու»։
Այլ հարցերի պատասխանել Իշխան Սաղաթելյանը չցանկացավ, հեռացավ քննարկումները շարունակելու։
Լուիզա ՍՈՒՔԻԱՍՅԱՆ
