Երևանի Էրեբունի վարչական շրջանի նախկին ղեկավար Արմեն Հարությունյանը և նրա ընտանիքի անդամները հրավիրվել են դատախազություն: Նրանց ծանուցում է ուղարկվել ՀՀ գլխավոր դատախազության ապօրինի ծագում ունեցող գույքի բռնագանձման գործերով վարչությունից:
Azdarar.am-ում տեղադրված հաղորդագրության համաձայն՝ Արմեն Հարությունյանը դատախազություն է հրավիրվել՝ ղեկավարվելով «Ապօրինի ծագում ունեցող գույքի բռնագանձման մասին» օրենքի 16-րդ և 17-րդ հոդվածներով: Ծանուցման մեջ նշված է. «ՀՀ գլխավոր դատախազության ապօրինի ծագում ունեցող գույքի բռնագանձման գործերով վարչությունում Ձեզ պատկանող գույքի առնչությամբ իրականացվում է ուսումնասիրություն, որի արդյունքում կազմվել է ամփոփագիր: Միաժամանակ, հայտնում եմ, որ ներկայանալ անհրաժեշտ է սեպտեմբերի 9 -ին՝ ժամը 10:00-ին, իսկ նշված օրը և ժամին ներկայանալու անհնարինության դեպքում հարկավոր է օրը և ժամը համաձայնեցնելու նպատակով նախապես զանգահարել 010-511-695 հեռախոսահամարին»:
Տաթև ՀԱՐՈՒԹՅՈՒՆՅԱՆ
