«Մենք սխալներ չենք կրկնում, մենք սխալներից դասեր ենք քաղում»,- այսօր լրագրողների հետ զրույցում ասաց ԱԺ պաշտպանության եւ անվտանգության հարցերի հանձնաժողովի նախագահ Անդրանիկ Քոչարյանը:
Անդրադառնալով 24 մլն դրամով պարտադիր զինվորական ծառայությունից ազատվելու նախագծին՝ Անդրանիկ Քոչարյանն ասաց, որ պետք է խորանալ բովանդակության մեջ, տեսնել՝ մյուսները ո՞նց են հասել պրոֆեսիոնալ բանակի. «ԵՄ անդամ պետությունների բանակներ եք ուզում, հիբրիդային բանակներ եք ուզում…Դրա մեջ գաղափարն է դրած, 24 մլն-ը չի հիմքը: Բոլոր զորակոչվածները գնում են 4,5 ամսվա ուսուցման պրոցես, ուսուցումից հետո նաեւ այլընտրանքային հնարավորություն է տրվում՝ կցանկանա՞ք դուք 5 տարի ժամկետով անցնել պրոֆեսիոնալ բանակի կառույցների ծառայության: Եթե ցանկություն լինի, բարձր աշխատավարձով, եթե համապատասխանի ուսուցմանը, կտա քննությունները ու կանցնի ծառայության: Մարդիկ ասում են՝ չէ, չենք ուզում: Մենք դեմ չենք, որ 24 մլն-ը մուծողներ լինեն, դա կծառայի պրոֆեսիոնալ բանակ ունենալուն»:
Ըստ նրա, սոցիալական գործոնը պահպանվելու է. «Նախ, հարուստը ծառայելու է, իսկ 4,5 ամիս հետո գալու է ուսումնական վարժանքների ամեն տարի: Առանձնացնում եք՝ աղքատ, հարուստ: Հիմա մեր բանակը աղքատների բանակ է շարունակական եղել: Հիմա՝ հա, որովհետեւ մենք այս անտարբերության մթնոլորտում կորցրել ենք սպայակազմը, Լավագույն սպայակազմը ծերացավ, չթարմացվեց կամ մահացավ»:
Կարդացեք նաև
Հռիփսիմե ՋԵԲԵՋՅԱՆ
