Ստեփանակերտի Ազատության հրապարակից այսօր երեկոյան մեկնարկեց Արցախի Անկախության 31 ամյակին նվիրված համաարցախյան քայլերթը։ Այն ընթացավ «Ոչ Արցախի հայաթափմանը», «Պայքար, միացում, հաղթանակ» կարգախոսներով, ինչպես նաեւ մասնակիցները վանկարկում էին՝ «Նիկո՛լ, դավաճան»։ Երթին մասնակցում էին Արցախի Ազգային ժողովի իշխանական ու ընդդիմադիր խմբակցությունների պատգամավորները։
Արդեն Վերածննդի հրապարակում հավաքվածներին միացան քայլերթի մասնակիցները ու սկսվեց համաարցախյան հանրահավաքը։ Հանրահավաքին Արցախի նախագահ Արայիկ Հարությունյանը եւ նախկին նախագահ Բակո Սահակյանը հետեւեցին նախագահական նստավայրի շենքից։ Վերջիններս չմտան ցուցարարների մեջ։ Ի տարբերություն նրանց, ցուցարարների շարքերում էին Արցախի ԱԺ նախագահ Արթուր Թովմասյանը եւ ԱԺ նախկին նախագահ Աշոտ Ղուլյանը։
Երթին ու հանրահավաքին մասնակցեցին, Հայաստանի Ազգային ժողովի ընդդիմադիր «Հայաստան» և «Պատիվ ունեմ» խմբակցությունների պատգամավորներ, Հայաստանի առաջին արտգործնախարար Րաֆֆի Հովհաննիսյանը, ՀՀԿ գործադիր մարմնի անդամ Էդուարդ Շարմազանովը։
Կարդացեք նաև
Նելլի ԳՐԻԳՈՐՅԱՆ
