Այսօր կառավարության նիստից հետո ճեպազրույցում ԿԳՄՍ նախարար Վահրամ Դումանյանին լրագրողները հարցրեցին բուհերի խոշորացման մասին: Նա ասաց, որ կրթության ռազմավարությամբ նշված է, որ մինչեւ 8 բուհերի մասին է խոսքը. «Դա հիմա գտնվում է ԱԺ-ում, սահմանված կարգով քվեարկվելու եւ հաստատվելու է, օրենքի կարգավիճակ ձեռք բերելուց հետո մենք ձեռնամուխ ենք լինելու ռազմավարական ծրագրի իրականացմանը: Որեւէ բուհի փակվել մի օգտագործեք, մենք բացելու կողմնակից ենք»:
Ըստ Դումանյանի, այդ ծրագիրն իրականացնելուց հետո մրցակցային դաշտ է լինելու:
Նախարարին հարցրեցին՝ սոցցանցերում քննարկման առարկա է դարձել ձեր կնոջ գրառումը, ավելի ճիշտ, նա ոչ թե հեղինակն էր, այլ կիսվել էր գրառմամբ, որտեղ սուր քննադատություն կա այն քաղաքական թիմի հասցեին, որի մասն եք կազմում նաեւ դուք, ինչպե՞ս եք դա բացատրում: Դումանյանը պատասխանեց. «Իմ կնոջ ֆեյսբուքյան էջին ես առանձնապես չեմ հետեւում, բայց այդ դեպքը, ինչի մասին ասում եք, իմ կինը պատասխանել է: Տվյալ անձի, մտեք այդ, չգիտեմ ինչ անվանեմ, գրառման մեջ, ինքը մեկնաբանել է եւ այն, ինչ նկատի է ունեցել տվյալ անձը, ինքը ընդհանրապես չի էլ նկատել: Դրա մասին գրել է իր մեկնաբանությունը: Բայց ես տվյալ անձին, ովքեր նման աղմուկ… գիտե՞ք ինչ է արել, ինքը էլեմենտար մանիպուլյացիա, մոնտաժ է արել: Խոսքը վերաբերվել է լրիվ ուրիշ բանի: Ինքը այնտեղ իրեն հետաքրքրող, իրեն սնուցող մի հատ ինչ-որ միտք է գտել ու դա է տարածել, իմ տիկինը դա չէր էլ նկատեր: Դա չի խնդիրը: Տվյալ անձին ես խորհուրդ կտամ լսել տաղանդավոր երգիչ Վլադիմիր Վիսոցկու մի հատ հայտնի երգ ու ընդհանրապես կեղտոտ կոշիկներով չմտնեն սրբավայր եւ չապականեն: Թող զբաղվեն հանրօգուտ գործով: Չի կարելի մարդկանց դժբախտության վրա կառուցել երջանկություն: Այսքանը»:
Կարդացեք նաև
Հռիփսիմե ՋԵԲԵՋՅԱՆ
