Այսօր կառավարության նիստում քննարկվեց «Գույք հետ վերցնելու, որպես նվիրատվություն գույք ընդունելու եւ ամրացնելու մասին» հարցը: Տարածքային կառավարման եւ ենթակառուցվածքների նախարար Գնել Սանոսյանն ասաց, որ հիմնադրամներին, ՓԲԸ-ներին, պետական հիմնարկներին ասել են, որ այն մեքենաները, որոնք չեն օգտագործում, վերադարձնեն, կամ նվիրատվության կարգով տան պետգույքի կառավարման կոմիտեին՝ հետագայում օտարելու համար: Այս ընթացքում գույքագրել են 654 ավտոմեքենա, որոնք այս որոշմամբ ներկայացված են, որ տան Պետգույքի կառավարման կոմիտեին: Նախնական հաշվել են, որ 200 մլն դրամ գումար կմտնի պետբյուջե:
Առնակ Ավետիսյան
Վարչապետ Փաշինյանը հարցրեց. «Պարոն Ավետիսյան, համոզվա՞ծ եք, որ կվաճառեք այդ գույքը, այնպիսի վիճակում են, որ կվաճառվի՞»: Պետգույքի կառավարման կոմիտեի նախագահ Առնակ Ավետիսյանը պատասխանեց, որ համոզված է՝ կվաճառվի, թե ինչ գնով՝ դա է հարցը. «Այնտեղ աճուրդային եղանակով այնքան հնարավոր է գինն իջեցնել, որ նույնիսկ այն մեքենաները, որոնք փաստացի ջարդոն են, հնարավոր լինի օտարել այդ տարբերակով: Մեքենաների մեջ կան նաեւ մեքենաներ, որոնք ուղղակի վերանորոգման ենթակա են, այն մեքենաներն ենք ներառել, որոնք հնարավոր է վերանորոգել, սակայն պահպանման մեծ ծախսեր են առաջացնում պետական ապարատի համար: 200 մլն-ը նախնական միջին գնահատական է, աճուրդային թիվը հուսանք ավելի բարձր կլինի»։
Կառավարության նիստում նաեւ խոսեցին թոշակը առնվազն 3000 դրամով ավելացնելու մասին: Պարզվել է՝ որոշ թոշակառուների համար թոշակը բարձրացել է 1900 դրամով, ոչ թե 3000, ինչպես հայտարարել էին: Փաշինյանն ասաց, որ այնպես կանեն, որ բոլոր թոշակառուների համար այն բարձրանա 3000-ով եւ նպատակադրում ունեն, որ պարենային զամբյուղից ցածր թոշակ չունենանք:
Կարդացեք նաև
Հռիփսիմե ՋԵԲԵՋՅԱՆ
