Այսօր կառավարության նիստում Տարածքային կառավարման եւ ենթակառուցվածքների նախարար Գնել Սանոսյանը խոսեց կամուրջների վերանորոգման մասին. «Հայաստանում չկա որեւէ արտադրամաս, որտեղ պատրաստի ինչ-որ բաներ կան պատրաստված, երբ որ կամուրջը քանդեն, գնան ինչ-որ տեղից առնեն, տեղադրեն: Երբ որ կամուրջը քանդում, բացում են, մի շարք խնդիրներ տեսանելի են դառնում: Մեծ ծավալի կամուրջների շինարարությունը որ սկսել ենք, կարծում ենք այս ոլորտը կակտիվանա, դետալները կսկսեն արտադրել»:
Վարչապետ Նիկոլ Փաշինյանն ասաց, որ եթե կամուրջը փակում են, աշխատեն պիկ սեզոնին դա չանեն ու դժգոհեց. «Իմիջիայլոց,մի ժամանակ խոսում էի նշանների մասին՝ ծռած, տրակտորի տակ ընկած: Շինհրապարակը որ գծանշում են, այդ ժապավենն ի՞նչ արժի: Շինարարական ընկերություններին ասեք՝ եթե փող չունեն, որ առնեն ամեն անգամվա համար 5 տարի օգտագործած, իրար կապ ընկած, թող գան կառավարություն, մենք այդ մի քանի հազար դրամը տանք, գնան առնեն: Անցնում ես, նայում ես՝ 88 թվից ինչ շինարարություն ունեցել են՝ այդ ժապավենն է, կամ, ասենք, զգուշացնող նշանը դրոշներ են, Խորհրդային միության դրուժիննիկներ են, այն ժամանակակից պահած բերում կախում են»:
Փաշինյանն էլ նկատեց, որ մանրուքներից է խոսում, բայց վստահեցրեց, որ մեծ բաները հենց մանրուքներից են ձեւավորվում. «Ես սրանից հետո որտեղ անցնեմ, տեսնեմ չկա, կանխիկ քարտիցս կհանեմ, կիջնեմ մի 2000 դրամ կտամ: Կամ էլ առնենք մեքենաներում պահենք, անցնելիս արագ փաթաթենք, նոր շարունակենք մեր ճանապարհը»:
Կարդացեք նաև
Հռիփսիմե ՋԵԲԵՋՅԱՆ
