«Հիշո՞ւմ եք հոկտեմբերի 27-ից հետո հիշո՞ւմ եք կադրային ինչ լուրջ փոփոխություններ եղան, ի վերջո գլխավոր դատախազ նույնիսկ փոխվեց՝ հենց այն իմաստով, որ պետք է գլխավոր դատախազը փոխվի, որ գործի հանգամանքները բացահայտվեն: Հիմա երեւի իշխանության ներկայացուցչները կասեն՝ իրենք էլ են դատախազ փոխում, բայց գիտեք ինչ ներկայացուցիչ է գալու՝ կառավարությունից Աննա Վարդապետյանը»,- այսօր գլխավոր դատախազության մոտ ցույցի ժամանակ լրագրողների հետ զրույցում ասաց «Հայաստան» խմբակցության պատգամավոր Արամ Վարդեւանյանը:
Հիշեցնենք, որ 44-օրյա պատերազմում զոհված զինծառայողների ծնողներն այսօր գլխավոր դատախազության մոտ բողոքի ցույց էին կազմակերպել՝ պահանջելով ձերբակալել վարչապետ Նիկոլ Փաշինյանին:
Վարդեւանյանը նշեց, թե բողոքի ցույցերի ժամանակ ոստիկանությունը ինչ բիրտ միջոցների է դիմել, 5 ռումբ է նետել ժողովրդի վրա ու ցուցարարները ստացել են բազմաթիվ վնասվածքներ, ուստի պարզ է, որ այս իշխանությունները ժողովրդավարությունից շեղվել են: Վարդեւանյանը չի ընդունում ընդդիմադիրներին ուղղված քննադատությունը, թե ինչու չգնացին Բերձոր ու Աղավնո ու չպաշտպանեցին, միայն Երեւանի կենտրոնում էին Արցախ փրկում: Նա ասաց, որ եթե այս իշխանությունները հեռացված լինեին կամ իրենց կամքով հեռանային, չէր լինի այն, ինչ եղավ. «Դա ինձ համար ամենադաժան ժամանակաշրջաններից մեկն էր՝ տեսնելով այն, ինչ կատարվում էր Բերձորում, Աղավնոյում եւ Սուսում»:
Կարդացեք նաև
Հռիփսիմե ՋԵԲԵՋՅԱՆ
