ՊՆ-ն նախագիծ է ներկայացրել, որով առաջարկում է 24 մլն դրամ վճարելով՝ ազատվել պարտադիր զինվորական ծառայությունից:
A protest action took place in front of the RA Prosecutor’s Office
Այսօր 44-օրյա պատերազմում զոհված զինծառայողների ծնողները, երբ ցույց էին անում գլխավոր դատախազության մոտ, լրագրողները նրանց հարցրեցին, թե ի՞նչ կարծիք ունեն այդ նախագծի մասին:
Պատերազմում զոհված Հայկ Մելիքյանի մայրը՝ Նաիրա Մելիքյանը պատասխանեց. «Մեր տղաների ծառայության ժամանակ չկար այդ օրենքը, բայց զարտուղի ճանապարհներով նրանք, ովքեր չունեին բարոյականություն, տարբեր ձեւերով ազատում էին իրենց երեխաներին՝ ինչպես միշտ թաքնվելով մեր երեխաների թիկունքում, արժեւորելով իրենց երեխաների կյանքը՝ ուրիշ երեխաների կյանքի հաշվին: Այս օրինագիծը խայտառակություն է, անգամ սոցիալական կոմպոնենտը չէ, որ ամենախայտառակ մասն է: Խայտառակն այն է, որ այս օրհասական վիճակում, երբ ամեն կողմից թշնամին հոխորտում է եւ պատրաստ է մտնել Հայաստանի ինքնիշխան տարածք, այս ապիկար իշխանությունները, հերիք չէ, որ 2018-ից կազմաքանդել են բանակը ամեն օր, ամեն ժամ, հիմա վերջին հարվածն են հասցնում բանակին, մեզ զրկում են ընդհանրապես պաշտպանվելու մեր սահմանադրական իրավունքից ու ստեղծում են բարոյազրկման այնպիսի մթնոլորտ, այսինքն՝ այս մեկի կյանքն ավելի թանկ է, քան մյուսի՞ կյանքը: Բանակը դարձնում են վարձկանների բանակ: Ինձ համար տարբերություն չկա՝ այդ վճարովի ծառայողը կլինի Պակիստանի՞ց, թե՞ Հայաստանից, որովհետեւ աչքիս առաջ ունեմ ՊՊԾ գնդի ծառայողներին, ոստիկանության այսօրվա ծառայողներին, թե իրենց ինչ ստանդարտներով են հավաքագրում հատուկ՝ ամենանհայրենիքներին, ամենատգետներին, ում համար մի քանի լուման ամենակարեւոր արժեքն է եւ բանակում նույն բանն է կատարվում: Այդ մարդիկ լինելու են վճարովի ծառայողներ, բայց երբ գալու է հայրենիքը պաշտպանելու ժամանակը, նրանք առաջիննն են փախչելու»:
Կարդացեք նաև
Հռիփսիմե ՋԵԲԵՋՅԱՆ
