Այսօր գլխավոր դատախազության մոտ բողոքի ցույց էին անում 44-օրյա պատերազմում զոհվածների ծնողները: Հիշեցնենք, որ վարչապետ Փաշինյանն ԱԺ-ում հայտարարել էր, թե նույն վիճակը կարող էինք ունենալ՝ առանց զոհերի: Այդ հայտարարությունից հետո ծնողները դիմել են դատախազություն՝ միտումնավոր սպանդի կազմակերպման դեմ բողոքով՝ պահանջելով անհապաղ ձերբակալել Փաշինյանին:
Նաիրա Մելիքյան
44-օրյա պատերազմում զոհված Հայկ Մելիքյանի մայրը՝ Նաիրա Մելիքյանը լրագրողների հետ զրույցում ասաց, որ այսօր նույն պահանջով են եկել. «Արթուր Դավթյանի ժամկետը լրանում է մոտ օրերս եւ նրան ուզում ենք վերջին շանս տալ՝ փրկելու իր պատիվը, իր ընտանիքի պատիվը, որպեսզի դավաճանի խարանը չկրի նրա ու նրա սերունդների ճակատին: Նա վերջապես պետք է կայացնի այդ կարեւոր որոշումը ու կասեցնի մեր պետության շարունակական կազմաքանդումը»: Ծնողները համոզված են, որ եթե գլխավոր դատախազն այդ որոշումը կայացներ հենց ապրիլին՝ 4 ամիս առաջ, շատ արհավիրքներից հնարավոր կլիներ խուսափել:
A protest action took place in front of the RA Prosecutor’s Office
Հիմա նրանք Դավթյանին փորձում են տալ վերջին հնարավորությունը՝ ասելով, որ եթե մտածում են՝ պաշտոնից ազատվելով՝ պատասխանատվությունից ազատվելու են՝ սխալվում են:
Նաիրա Մելիքյանը հայտարարեց, որ իր թիվ մեկ ցանկությունն է Նիկոլ Փաշինյանին տեսնել Ադրբեջանի բանտում. «Այն աներեւակայելի ցինիզմը, սադիզմը, որով նա խոսում է գերիների մասին եւ այսպես կոչված կաբինետից այդ Ալեն Սիմոնյանը, որը պիտակավորում է գերիների ծնողներին եւ նրանց անվանում է ըստ էության դասալիքների ծնողներ, ես ցանկանում եմ, որ նրանք տասնյակ տարիներ ադրբեջանական բանտերում անցնեն այն ամենի միջոցով, ինչի միջով անցել են մեր երեխաները»:
Կարդացեք նաև
Հռիփսիմե ՋԵԲԵՋՅԱՆ
