Վերաքննիչ քրեական դատարանն այսօր շարունակում է քննել «Համախմբում» շարժման անդամ, «ԱրԱր» հիմնադրամի համահիմնադիր Ավետիք Չալաբյանին կալանավորելու մասին առաջին ատյանի դատարանի որոշման դեմ նրա պաշտպանների ներկայացրած վերաքննիչ բողոքը։
Չալաբյանի պաշտպանները մատնանշեցին` չկա մեկ փաստ, որ նախաքննության ընթացքում եւ 7 օր ազատության մեջ լինելու ժամանակ նա խոչընդոտել կամ խուսափել է դատաքննությունից, փորձել ազդել վկաների վրա։ Պաշտպանական կողմը պնդեց, որ ինչպես նախաքննությունը ընթացքում, այնպես էլ հիմա կարծում են, որ Չալաբյանին անազատության մեջ պահելու իրավական հիմքեր չկան, որ նա ենթարկվում է քաղաքական հետապնդման։
Հիշեցնենք, որ ըստ մեղադրանքի` Ավետիք Չալաբյանը գործով մյուս մեղադրյալ` Ագրարային համալսարանի դասախոս Էմմա Սարգսյանի հետ միասին համալսարանի ուսանողական խորհրդի նախագահ Թոռնիկ Ալիյանին շահագրգռել է` ուսանողներին «Դիմադրություն» շարժմանը ներգրավելու նպատակով, մասնավորապես՝ Չալաբյանն ուսանողներին նյութապես շահագրգռել է մասնակցել հավաքներին` առաջարկելով 2 միլիոն ՀՀ դրամ։
Դատարանը հեռացավ խորհրդակցական սենյակ` որոշում կայացնելու։ Այն կհրապարակվի վաղը 12:00-ին։
Կարդացեք նաև
Լուիզա ՍՈՒՔԻԱՍՅԱՆ
