«Հանուն Հանրապետության» կուսակցության նախագահ Արման Բաբաջանյանի ֆեյսբուքյան գրառումը
Անկախության հռչակագրի տոնի առթիվ․․․
Վերջին շրջանի հիբրիդային «տրենդային» հարձակումներից մեկը արցախյան առաջին պատերազմում հաղթանակին, հայ ժողովրդի հավաքական կարողություններին կասկած հարուցելն է, ստեղծել ապա ամրապնդել մի կործանարար համոզում, որ Հայաստանն անկարող է, Հայաստանն ի վիճակի չէ, Հայաստանը դատապարտված է․․․
Առաջին անգամ շուրջ երեսուն տարի, երկրորդ անգամ չորս տարի առաջ Հայաստանը, հայ ժողովուրդը շատ կարճ ժամանակով դուրս եկավ գոյատեւման ռեժիմից, հավատաց սեփական ուժին, իր առջև դրեց նպատակներ, հասավ լուծումների, որոնք հարյուրամյակներով թվում էր աներեւակայելի, անպատկերացնելի եւ անիրագործելի:
1994-ին արցախյան անհավասար առաջին պատերազմում հաղթանակով և 2018-ին թավշյա հեղափոխությամբ քաղաքակրթական քարտեզի վրա արդիական կերպարով, արդիական արժեհամակարգով ներկայանալու կարողության մասին է:
Կարդացեք նաև
Աղետալի պատերազմում պարտությունից հետո հայ ժողովուրդը արագ վերադարձվում է «գոյատեւման» ռեժիմի, մեզ բոլոր միջոցներով փորձեցում են վերադարձնել սեփական փոքրության, անկարողության, ցեղասպանվածության, աշխարհում ոչ թե տեղ ու դեր, նշանակություն, կարևորություն, այլ առավելագույնը ստվերի տակ անկյուն ունենալու մտայնությանն ու հոգեբանությանը, որպեսզի ոչ մի դեպքում չամրապնդվի ստեղծագործական հավակնություններով եւ լայն աշխարհընկալմամբ ու մտահորիզոնով, սեփական գործունեության ու ստեղծագործական պոտենցիալի իրացման սահմանը պատմական Հայաստանի միֆական ընկալումներից դուրս տեսնող արդիական հասարակություն:
Այդպիսի հասարակությանը տիրելը, իշխելը, կառավարելն ու հարստահարելը կլիներ գրեթե անհնար, եթե այդ ժողովրդի ծոցում, այդ ժողովրդին առաջնորդելու հայտ ներկայացրած օտարահպատակ հարճերի բազմություն գոյություն չունենար։
Անվիճելի է, որ Հայաստանին բավական բարդ է դիմակայել փլուզվող աշխարհակարգի, գլոբալ մակընթացությունների և տարածաշրջանային՝ մի կողմից Ռուսաստան-Թուրքիա, մյուս կողմից Արևմուտքի միջև։ Բայց, անվիճելի է, որ բարդ ապրելու փոխարեն հասարակության համար ընդամենը հնարավոր է հեշտ մահանալ, եթե մտածողության ու աշխարհընկալման ռեժիմը միացված է «գոյատեւելու» սեփական թերարժեքության ռեժիմի վրա:
