Հայտարարություն
Օգոստոսի 23-ը հայ ժողովրդի պատմության կարևորագույն ամսաթվերից է․ 32 տարի առաջ այս օրն ընդունվեց Հայաստանի Հանրապետության հիմնադիր փաստաթուղթը՝ անկախության հռչակագիրը, որով Հայաստանը հռչակվեց ինքնիշխան պետություն և սկիզբ դրվեց մեր երկրի անկախացման գործընթացին։
Հայ ժողովրդի միասնական կամքն արտահայտող 12 կետերից կազմված փաստաթուղթը իրականացրեց մեր տասնամյակներ փայփայած երազանքը, ձևակերպվեցին ժողովրդավարական և ազգային պետականություն ունենալու բոլոր նախապայմանները։
Մենք իմաստուն ենք եղել ի սկզբանե, գիտակցել ենք անկախություն ու պետություն ունենալու կարևորությունն ու գինը և հստակ ենք պատկերացրել այն պահելու ճանապարհը։
Կարդացեք նաև
Այսօր, երբ մեր պետությունն ու պետականությունը կանգնած են մեծ մարտահրավերների առջև, երբ երբեմն անհիմն թերագնահատվում են մեր ժողովրդի միասնական և կամային լինելու որակները, պետք է նորից վերընթերցենք մեր պետության «ծննդյան վկայականը»՝ վերականգնելու համար հավատն ու վստահությունը ինքներս մեր նկատմամբ, խոստանալու համար ինքներս մեզ, որ չենք հեռանա մեր հայրերի ընտրած ուղուց, երազանքից, այլ կվերադարձնենք Հայաստանին՝ իր ապագայի համար որոշումներ կայացնելու լիարժեք իրավունքը։
