«Ամեն ինչ արվել է մարդկանց զգոնությունը բթացնելու համար: Ինչ-որ շաբլոններ են նետվել, ասենք՝ «նախկիններն են մեղավոր»: Մարդիկ ասում են՝ հա, նախկիններն են ծախել, եւ այսօր տեսնում եմ, որ շրջանառվում է մի թեզ, թե իբր նախկինները մինչեւ Սեւան ծախել են»,- «Հայելի» ակումբում ասաց հոգեբան Կարինե Նալչաջյանը:
Կարինե Նալչաջյան
Նրա խոսքով. «Թշնամական պրոպագանդան շարունակում է իր գործն անել հայ մարդկանց եւ ֆեյքերի ձեռքով, հակառուսականության տարածումը եւս այդ ամենի համատեքստում է: Ես նկատել եմ՝ այն մարդիկ, որոնք պաշտպանում են Նիկոլին, իրենք իրենց են պաշտպանում, իրենց արած քայլն են ուզում պաշտպանել, վախենում են ընդունել, որ սխալվել են»:
Հոգեբանի ձեւակերպմամբ. «Մարդկանց մեծ մասը ինքնահաստատման կարիք ունի: Հաճախ ասում են, որ մեր հասարակությունը տրավմատիկ հասարակություն է, համաձայն եմ, ոնց տրավմատիկ չլինե՞ր, եթե իրեն դաժանորեն խաբել են: Եթե մենք լսենք Նիկոլի ճառերը հեղափոխության ժամանակ, դրանք իսկապես հրապուրիչ են եղել, այնպիսի ծուղակ է եղել, մարդկանց համոզել են, նրանք հայտնվել են ծուղակում: Հիմա տրամադրությունները փոխվել են:
Հասարակությունը ոչ թե վատն է, անմարդկային ու անբարոյական, այլ ուղղակի մոլորված է: Մարդիկ արդեն բախվել են իրականության հետ, բայց չգիտեն, թե ինչ անել: Ամբողջ հայությունը պետք է միավորվի, ընդ որում՝ առաջին հերթին պետք է միավորվեն էլիտաները;
Կարդացեք նաև
Կուսակցությունները պետք է սկսեն խոսել ու այս հարցի շուրջ միավորվել, ակտիվ մտավորականությունը պետք է միավորվի, պայքարելու ջիղ ունեցողները պետք է միավորվեն: Էլիտայի հարցն է, մարդկանց առաջնորդել է պետք: Ցավոք, այսօր չկա նաեւ կանոնավոր հետազոտություն անելու հնարավորություն՝ հասարակության տրամադրությունները հասկանալու համար: Օրինակ, թե ինչ փոխվեց Սուրմալուի աղետից հետո»:
Գոհար ՀԱԿՈԲՅԱՆ
