Առողջապահության նախարարի առաջին տեղակալ Լենա Նանուշյանը ԱՆ Ինֆեկցիոն հիվանդությունների ազգային կենտրոնի աշխատակազմին է ներկայացրել նորանշանակ տնօրեն Ստեփան Աթոյանին:
Փոխնախարարը նշել է, որ կենտրոնի հիմնանորոգումը, աշխատանքային պայմանների ու մատուցվող ծառայությունների բարելավումն առողջապահության նախարարության գերակայություններից է. «COVID-19 համավարակը ցույց տվեց, թե ժամանակակից աշխարհում որքան կարևոր են ինֆեկցիոն հիվանդությունների կանխարգելման, բուժման ծառայությունները: Կենտրոնի համար սկսվում է անցումային շրջան: Անելու ենք ամեն ինչ՝ տրամադրվող ծառայությունները և աշխատանքային պայմանները նոր մակարդակի բարձրացնելու համար», – ասել է Լենա Նանուշյանը:
Փոխնախարարը նշել է, որ առողջապահական համակարգի օպտիմալացման և արդիականացման ծրագրի շրջանակներում, ի թիվս մի շարք բժշկական կենտրոնների, Ինֆեկցիոն հիվանդությունների ազգային կենտրոնում ևս կապիտալ հիմնանորոգման աշխատանքներ կիրականացվեն:
Կարդացեք նաև
ՀՀ առողջապահության նախարարություն
