«Մենք հերթական անգամ ապացուցում ենք, որ մենք պետություն չունենք: Աղավնոյի, Բերձորի դեպքերը եւ «Սուրմալուի» դեպքը մի բանի հետեւանք են՝ մենք չունենք պետություն, չունենք պետական ապարատներ: Անգամ կոորդինացիոն շտաբը, որ պետք է զբաղվեր փրկարարական, որոնողական աշխատանքներով, ստեղծվել էր պայթյունից 27 ժամ անց: Մարդկանց վիշտը, ցավը շահարկելը, դրա ֆոնի վրա նկարվելը, դրանից PR անելը դարձել է Նիկոլի фирменный ձեռագիրը»,- այսօր «Հայելի» ակումբում հայտարարեց ՀՀԿ փոխնախագահ Արմեն Աշոտյանը:
Ըստ նրա, իր դիտարկումից հետո միայն ընդունեցին, որ սգո օր պետք է հայտարարվի. «Երեկ ցերեկը, երբ ես բզեցի իրենց հանրային դաշտում, նոր խոսեցին այն մասին, որ կարող է սգո օր հայտարարեն, երբ ավարտվեն որոնողական աշխատանքները: Ինչու չէին ուզում հայտարարեին սգո օր, որովհետեւ սգո օրը կենտրոնացնում է ցավը: Իրենց պետք է ցավը ցրել: Իրենց պետք է մարդկանց «նարկոտիկի» վրա նստացնել, թե ամեն ինչ լավ է, ձեր փորը կուշտ է, ռուս IT-շնիկները եկել են, փող է ֆռռում Հայաստանում, տուրիստական սեզոն է, կգնաք Սեւան, Եգիպտոս, այսինքն, жизнь продолжается: Պետության բացակայությունը զգացվում է բոլոր ուղղություններում, վերցրեք նույն իրավիճակը բանակում, վերջին մեկ շաբաթվա մեջ 5 մահ ունենք բանակում՝ ոչ պատերազմական իրավիճակում: 5 ողբերգական դեպք է, 5 մահ»:
Աշոտյանի դիտարկմամբ, «Սուրմալու» առեւտրի կենտրոնի պայթուցիկներն, իհարկե, վտանգավոր էին, բայց Նիկոլ Փաշինյանն է իրական գոյաբանական ռումբը հայ ժողովրդի տակ. «Նա մեզ կզցրած վիճակում աշխարհին մատաղ անելու գործում քուրմ է աշխատում, նա քրմապետ է դարձել: Եվ այն իրադարձությունները, որոնք սրընթաց կեպով զարգանում են Բերձորի շուրջ, պետական դավաճանություն են: Անգամ եռակողմ հայտարարությունը իրագործելու գիտելիք, ցանկություն, հմտություն, թասիբ չունեն: Բերձորի հանձնումը նախատեսված չէ եռակողմ համաձայնությամբ»:
Ըստ Աշոտյանի, ամեն անգամ, երբ մենք մարսենք մի զոհաբերություն, Փաշինյանը պատրաստելու է նոր զոհաբերության, այդ թվում՝ Սյունիքի եւ Տավուշի. «Գնացեք Տավուշ, ֆռռացեք, տեսեք ինչ է կատարվում հայ-ադրբեջանական սահմանի երկայնքով. ամբողջ ժողովուրդը խոսում է այն մասին, որ ներքին հրահանգ կա ռուսական պոստերը դնում են՝ անկլավների հետ կապված»:
Կարդացեք նաև
Հռիփսիմե ՋԵԲԵՋՅԱՆ
