«Ես վստահ եմ, որ ժողովուրդը ընդդիմությունից անուն է սպասում: Միացյալ ընդդիմությունը պետք է ժողովրդին առաջնորդի անուն տա՝ վարչապետի թեկնածուի անուն»,- Այսօր «Հայելի» ակումբում հրավիրած ասուլիսում այսպիսի հայտարարությամբ հանդես եկավ ՀՀԿ փոխնախագահ Արմեն Աշոտյանը:
Ըստ նրա, նախկին օրակարգը ինչ մոբիլիզացրել՝ մոբիլիզացրել է. «Մենք ունենք հսկայական կադրային բազա: Ընդդիմադիր ինտելեկտուալ պոտենցիալը Հայաստանում առաջին անգամ է մեր պատմության մեջ, որ հազարապատիկ գերազանցում է իշխանական ինտելեկտուալ կադրային ներուժը: Հիմա պետք է ժողովրդին տալ անուն: Ինչքան էլ ասենք, որ գաղափարի հետեւից պետք է գնալ, այս ամենին պետք է գումարել անուն, մեր ժողովուրդը սիրում է անուն: Պետք է տալ միավորող անուն, անուն, որը հավելյալ արժեք կստեղծի, համաժողովրդական ընդվզման պոտենցիալը կավելացնի»:
Թե ինչպես պետք է ընտրեն այդ առաջնորդին՝ Աշոտյանն ասաց, որ մեխանիզմները քննարկվում են. «Այն մանթրաշը, երբ աչքերիս դեմը տեսնում ենք ոնց է կորում Բերձորը, դրանից պետք է դուրս գանք: Այդ մանթրաշը չի կարելի պարպել մեր ճամբարային գզվռտոցի վրա: Մենք այդ փուլում չենք, որ հիմա սկսենք մեղավորներ ման գալ: Թեպետ եթե ինձ հարցնեք, ես էլ լիքը բան կարող եմ ասել: Իմ խնդրանքը, հորդորն ու կոչն է իրական ընդդիմադիր հայացքներ ունեցող մտավորականներին, քաղաքական գործիչներին, ակտիվիստներին՝ զերծ մնացեք ներընդդիմադիր բախումներ, ճամարտակություններ հրահրելուց»:
Կարդացեք նաև
Հռիփսիմե ՋԵԲԵՋՅԱՆ
