«Հրապարակի» հարցերին պատասխանում է Գերագույն խորհրդի պատգամավոր Ազատ Արշակյանը:
– Արցախը ծանր վիճակում է: Բերձորն ու Աղավնոն հանձնվում են թշնամուն….
– Կատաստրոֆա է: Ինչ-որ բան հանձնել, նշանակում է` աղետ: Սա պարտության ակցիա է:
– Իսկ հարցի լուծման Ձեր տարբերակը ո՞րն է:
Կարդացեք նաև
– Պետք է հայտարարել, որ մենք դեմ ենք բոլոր տեսակի բռնապետություններին եւ նրանց դաշնակիցը լինել չենք կարող, անկախ նրանից, որ հանգամանքների բերումով մենք հարկադրված ենք որոշակի կայուն հարաբերությունների, օրինակ, մեր հարեւան կրոնապետություն Իրանի հետ: Սակայն պետք է բարձրաձայնել, որ մենք դեմ ենք այդ տեսակ խտրականությանը: Մենք պետք է հայտարարենք նաեւ, որ համաձայն չենք ռուս-թուրքական դաշինքին: Այսօր մենք մեր թշնամու դաշնակցի դաշնակիցն ենք: Սա պետք է ֆիքսենք ու հայտարարենք այդ մասին: Քանի դեռ Ռուսաստանը մեր թշնամու բարեկամն է, մեր բարեկամը լինել չի կարող:
– Երեւանի «Սուրմալու» տոնավաճառում տեղի ունեցածն էլ շատերը համարում են տեռոր, ոմանք էլ պնդում են, թե սա դժբախտ պատահար է: Հետաքրքիր է, Ձեր կարծիքով` ո՞րն է իրական վարկածը:
– Անկախ նրանից, թե դա տեռոր էր, թե ինչ էր, դա առաջին հերթին մասնագիտական անպետքության նշան է: Եթե տեռոր էր, ապա պետք է կանխվեր, եթե աղետ էր կամ անփութություն, եւս պետք է կանխվեր…. պետական ինստիտուտները չպետք է թույլ տան, որ Հայաստանում այսպիսի տեռորներ կամ աղետներ լինեն:
Հայկ ԳԵՎՈՐԳՅԱՆ
Հոդվածն ամբողջությամբ՝ «Հրապարակ» օրաթերթի այսօրվա համարում:
