Այսօր ժամը 13:30-ի սահմաններում «Սուրմալու» առեւտրի կենտրոնի պահեստներից մեկում տեղի ունեցած հուժկու պայթյունի հետեւանքով մեծ թվով մարդիկ տարբեր աստիճանի վնասվածքներով տեղափոխվում են հիվանդանոցներ:
Պայթյունն այնքան ուժեղ է եղել, որ շրջակայքում գտնվող առեւտրի օբյեկտներ են ամբողջությամբ կամ մասնակի փլուզվել եւ հրդեհվել:
Մի քանի ժամ հրշեջ ծառայության մարտական հաշվարկները միմյանց փոխարինելով փորձում են մեկուսացնել եւ մարել կրակի օջախները, իսկ շտապօգնության անձնակազմերը տուժածներին տեղում առաջին բուժօգնություն են ցույց տալիս կամ տեղափոխում հիվանդանոցներ:
Այս պահին հրդեհաշիջման եւ որոնողափրկարարական աշխատանքները շարունակվում են:
Կարդացեք նաև
Աշոտ ՀԱԿՈԲՅԱՆ
