Հնդկաստանում ընթացող շախմատի 44-րդ համաշխարհային օլիմպիադայի յոթերորդ տուրում միանձնյա առաջատար Հայաստանի տղամարդկանց ազգային հավաքականն այսօր ուժերը չափում է ԱՄՆ-ի շատ ուժեղ թիմի հետ, որի կազմում է նաեւ ոչ հեռու անցյալում մեր ընտրանու անվիճելի առաջատար Լեւոն Արոնյանը:
Արդեն հրապարակվել են թիմերի կազմերը եւ Լեւն Արոնյանի անունը բացակայում է ԱՄՆ հավաքականի կազմում: Չի բացառվում, որ Արոնյանը չի ցանկացել խաղալ իր նախկին թիմակիցների դեմ, եւ նրա ցանկությունը հարգվել է: Պետք է նաեւ նկատի ունենալ, որ Միացյալ Նահանգները Հայաստանին զիջում է թիմային մեկ միավոր եւ այս պահի դրությամբ զբաղեցնում է «մաքուր» երկրորդ տեղը: Եվ կախված այս դիմակայության ելքից՝ կարող է առաջատարի փոփոխություն տեղի ունենալ:
Գաբրիել Սարգսյան
Ըստ խաղատախտակների հաջորդականության՝ 7-րդ տուրում զույգեր կազմել են. Գաբրիել Սարգսյան-Ֆաբիանա Կարուանա, Ուեսլի Սո – Հրանտ Մելքումյան, Սամվել Տեր-Սահակյան- Լենյեր Դոմինգես Պերես, Սեմ Շեկլանդ-Ռոբերտ Հովհաննիսյան:
Աշոտ ՀԱԿՈԲՅԱՆ
