«Ազատություն». Ռուսաստանի Դաշնության նախագահ Վլադիմիր Պուտինն անվտանգության խորհրդում՝ ի շարս այլ հարցերի, անդրադարձել է նաև Լեռնային Ղարաբաղում սրված իրավիճակին: Այդ մասին հայտնել է Կրեմլի խոսնակ Դմիտրի Պեսկովը:
«Քննարկվել է նաև հայ-ադրբեջանական հակամարտության սրման հետ կապված իրավիճակը: Շեշտվել է եռակողմ հայտարարության բոլոր դրույթների կատարման հրատապ անհրաժեշտությունը»,- նշել է Պեսկովը:
Անվտանգության խորհրդի նիստին մասնակցել են վարչապետ Միխայիլ Միշուստինը, Դաշնության խորհրդի խոսնակ Վալենտինա Մատվիենկոն, Պետական դումայի նախագահ Վյաչեսլավ Վոլոդինը, ԱԽ փոխնախագահ Դմիտրի Մեդվեդևը, Կրեմլի աշխատակազմի ղեկավար Անտոն Վայնոն, Ներքին գործերի և Պաշտպանության նախարարներ Վլադիմիր Կոլոկոլցևը և Սերգեյ Շոյգուն, Անվտանգության դաշնային ծառայության տնօրեն Ալեքսանդր Բորտնիկովը, ԱԽ քարտուղար Նիկոլայ Պատրուշևը և Արտաքին հետախուզության ծառայության ղեկավար Սերգեյ Նարիշկինը:
Արմեն ՔՈԼՈՅԱՆ
Կարդացեք նաև
Նյութն ամբողջությամբ՝ սկզբնաղբյուր կայքում:
